‫PushBullet بيسمحلك تبعت ملفات ، لينكات ، نوتس ما بين كل أجهزتك، موبايلاتك وكمبيوتراتك بدوسة واحدة !

‫مشكله ازليه  بيعاني منها اغلبنا خاصه بعد ما بقي الاغلب عنده اكتر من جهاز ما بين موبايل و تابلت ولابتوب ويمكن اكتر من واحد سواء شخصيا او للشغل، وبقت مشاركة الملفات واللينكات او حتي النوتس ما بينهم مشكله عظيمه ! كام مره حد بعتلك لينك علي الواتساب وكنت عايز تفتحه علي اللابتوب واضطريت تبعته لنفسك في ميل مثلا ؟

‫النهارده هنحل لكم المشكله دي للابد !، مش بس كدا ، البرنامج الي هنتكلم عليه النهارده كمان ، بيسمحلك كمان انك تحل مشكلة تانيه وهي انه بيعمل synchronize للنوتيفيكيشن ما بين كل اجهزتك !

‫يعني لو جالك رساله علي موبايلك وانت شغال علي اللابتوب، يطلعك المسج علي اللابتوب وانت قاعد وتقراها من غير ما تضطر تفتح الموبايل.

‫والاحلي، انه شغال كروم وفايرفوكس و اندرويد و ايفون وويندوز وعلي الويب كمان  !

‫ومش بس كدا !، البرنامج ليه applications تانيه عظيمه جدا هنتعرضلها في بوستات تانيه لاحقا. الحقيقه البرنامج دا من افضل البرامج الي شفتها علي الانترنت علي الاطلاق، وهو Pushbullet .

ازاي تبدا مع PushBullet ؟

الموضوع بسيط جدا، هبتدا بانك تروح للويب سايت PushBullet.com وتعمل اكاونت لنفسك، ونصيحتنا في نوّرني انك تعمل Sign-up باكونت جوجل عشان دا هيسهل الدنيا بعد كدا علي باقي موبايلاتك لو اندرويد.

بعد ما تعمل اكاونت وتعمل Sign-in هييسالك لو عايز تشغل خاصه الNotification Mirroring الي هي زي ما شرحنا  فوق ، خدمه انه يعمل Synchronize كامل للNotifications بين كل اجهزتك، الاختيار ليك لو حابب تستفيد من الخاصيه دي او لا.

ودا فيديو بيوريك الخاصيه دي بتعمل ايه بالظبط :

بعدها لو انت عايز PushBullet يشتغل علي الكمبيوتر بتاعك ، يبقي لازم تنزل الChrome extension او الFirefox extension   او تنزل برنامج الWindows .

بعد كدا نزل البرنامج بقي علي موبايلاتك الي عايز تشغله عليها سواء الاندرويد او الايفون وطبعا علي كل الحاجات دي لما تنزل وتعمل setup تخش تعمل Sign-in بالاكونت الي سجلت بيه (جوجل عاده).

نصيحه نوّرني انك تنزل برنامج الوندوز وكمان الاكستنشن حسب الBrowser بتاعك.

ازاي نستخدم البرنامج وايه امكانياته ؟

البرنامج موفرلك طرق متعدده في استخدامه، تقدر تستخدمه من الويبسايت نفسه  :

زي مانت شايف، علي الشمال قايمه الاجهزه بتاعتك ، وتقدر تضيف اجهزه زياده ، وعلي اليمين الحاجات الي تقدر تعملها Push، في الTo بتختار انت عايز تبعت لانهي جهاز وتحت هتلاقي اختياراتك، تقدر تبعت كلام (نوت)، او لينك او تبعت ملف او Todo list او عنوان (خريطه)!.

ممكن برده تستخدمه بشكل اسهل من الChrome extension لو عايز تبعت بوست معين من الكمبيوتر مثلا لجهاز تاني :

بيسمحلك تبعت اللينك علي طول، او لو عايز تبعت اي حاجه تانيه الاوبشنز موجوده .

من الموبايل تقدر تستخدمه لنفس الشئ :

ومش بس كدا، لو بصيت علي القايمه الي علي الشمال هتلاقي انك تقدر تضيف حد من اصدقائك وتعمل Push لحاجات علي اجهزتهم بشكل مباشر !

برنامج الويندوز دلوقتي كمان بيديك ميزه عبقريه !

لو عايز تبعت ملف من جهازك لموبايلك تقدر علطول تعمل Rightclick علي الملف وتبعته !، شوف الفيديو دا يوريك ازاي :

لو انت شغلت في البدايه الNotification Mirroring هتستفيد بميزه اضافيه زي ما قلنالكم، هتلاقي بيطلعلك Pop-up علي اللابتوب لما تحصل حاجه علي موبايلك :

نوتيفيكشن جي من Google Hangouts علي موبايلي طلعلي علي اللابتوب

وخليني قولك انك تقدر تتحكم في كل تفاصيل الNotification ، يعني تقدر انك تقوله زي مانت شايف في الصوره انك تقفل النوتيفيكشن لبرنامج الHangouts لو حابب او انك تقوله حتي يطلع النوتيفيكشن عادي بس ميطلعوش علي الجهاز لكن يسيبه علي الاجهزه التانيه عادي.

وتقدر تخش علي الSettings من موبايلك ومن تختار Turn On or Off for specific apps ومنها تحدد البرامج الي عايزها تطلع Notification او لا :

ملحوظه مهمه :  Pushbullet هيبعت Notifications باستخدام ال3G عادي بشكل افتراضي، الا لو انت عايز تخليه يشتغل علي الواي فاي بس اختار فوق only mirror on WiFi

كدا شرحنا امكانيات البرنامج وازاي تستخدمه، وازاي تستفيد من الميزتين الاساسيتين فيه وهم انك تبعت اي حاجه من اي جهاز عندك لاي جهاز تاني، وانك تستقبل notifications ما بين كل الاجهزه بسلاسه.

لكن خليني اقول لكم ان البرنامج فيه مميزات اكبر من كدا كمان !، البرنامج عنده integration مع IFTTT  ودا معناها انك تقدر حرفيا تخلي يجيلك علي الموبايل نوتيفيكيشن لاي حاجه في الدنيا.

ودا الchannel بتاع PushBullet  علي IFTTT  فيها الوصفات Recipes الجاهزه الي ممكن تستخدمها وتديك افكار