اعتذر الفنان رامز أمير عن ظهوره في أحد مشاهد فيلم "حملة فرعون" وهو يضع سيجارة بفمه، مؤكدًا أنه لن يكرر هذا الأمر مرة أخرى.\nنشر أمير عبر حسابه على Instagram صورة لولد يقلد وقفته والوشم على ذراعه في الفيلم، وكتب معلقًا عليها: "والله اتكسفت لما لقيت الناس اتأثروا بيا قوى كده، وأنا حاطط سيجارة في بقي حتى ولو تمثيل، خصوصا إن مكانش ليها سبب مهم في الدراما، أنا بعتذر لكم وحقكم عليا دي غلطة ومش هتتكرر تاني".\nأضاف رامز أمير قائلا: " أنا كل اللي بتمناه إنى أكون نموذج إيجابي ليكم لأنى فعلا مبعملش حاجة في حياتي غير إنى بلعب رياضة و بجتهد عشان حلمي ونفسي الناس كلها تعمل كده، وعمري ما أقدر أكون سبب إن حد يعمل حاجة غلط عشان بيحبني"\nاختتم رامز: " أنا عارف إن في ناس هتهاجمني على البوست ده بس دي حاجة ليها علاقة بضميري وكان لازم أوضحها عشان استريح، بعتذر لكم مرة تانية".\nيشار إلى أن رامز أمير شارك في سباق دراما رمضان 2020 بمسلسل "الاختيار".\n"الاختيار" بطولة أمير كرارة وأحمد العوضى ودينا فؤاد وسارة عادل وضياء عبد الخالق وعدد كبير من ضيوف الشرف، تأليف باهر دويدار وإخراج بيتر ميمي وإنتاج شركة سينرجي.\nتناول المسلسل حياة أحمد صابر المنسي - قائد الكتيبة 103 صاعقة - الذي استشهد فى كمين "مربع البرث"، بمدينة رفح المصرية عام 2017، أثناء التصدي لهجوم إرهابي في سيناء، على أن يُظهر العمل العديد من الجوانب الاجتماعية والإنسانية في حياة البطل الراحل.\nعمر كمال ينشر صورة تجمعه بوالدته وشقيقته\nعلاقة تسعينيات أحمد زكي بمترو الأنفاق\n