المحتوى الرئيسى

انفعال ومشادات كلامية.. وليد دعبس يهاجم هاني حتحوت بسبب قضية أحمد رفعت (فيديو) | المصري اليوم

07/09 03:12

شهدت حلقة برنامج «الماتش»، الذي يقدمه الإعلامي هاني حتحوت، انفعالًا ومشادة كلامية من وليد دعبس، رئيس نادي مودرن سبورت، أثناء الحديث بشأن ملف اللاعب الراحل أحمد رفعت.

وليد دعبس يكشف كواليس جديدة في قضية أحمد رفعت ويهاجم نادر شوقي

«بتولعوا الدنيا».. انفعال وتصريحات نارية من وليد دعبس في قضية أحمد رفعت (فيديو)

«لن انزلق إلى المهاترات».. رد ناري من إبراهيم فايق بعد هجوم وليد دعبس

وقال وليد دعبس في تصريحاته: «الموضوع فيه لبس، ده مفيش ورقة من نادي فيوتشر اللي هو ابني أنا غلط، وأحمد متعملش أي إجراء معاه غير كل خير ليه ولأسرته ولأي حد بيحبه، غير كده وكده مفيش برنامج متقلش فيه على أخلاقيات أحمد مني».

وتوجه هاني حتحوت بسؤال، قائلًا: «واثق من موقف ابنك (اللي هو مودرن سبورت) في هذه القضية؟»، ليرد وليد دعبس: «واثق من الموقفين، موقف ابني، وابني اللي قاله أحمد رفعت».

وأضاف وليد دعبس: «لو عمال تاخد في كلام أحمد رفعت كله نسيت ليه إنه قال الراجل ده مش رئيس نادي ده أبويا».

ليرد هاني حتحوت: «لأني ببساطة واقف عند نقطة واحدة وهي الضغط على رفعت وأدى بحسب اللاعب إلى وفاته أنا ميهمنيش الكويس اللي في القصة اللاعب قال أنا هموت».

ليعلق وليد دعبس: «الظاهر أنت برضو بتحاول تحور الحوار، بقولك الراجل قال ده أبويا مش كلمة حلوة، أبويا دي كلمة كبيرة يا أستاذ».

ليقاطعه هاني حتحوت: «لكن موت رفعت أكبر يا دكتور، والمسؤول عن موته لازم يحاسب»

ليرد من جهته وليد دعبس قائلًا: «بالفكر ده دمرتوا الإعلام مش عايزين حد يتكلم».

وقبيل الختام توجه هاني حتحوت بسؤال: «هل دعيت إلى تحقيق خلال الأيام الماضية؟»، ليرد وليد دعبس: «أنا أروح تحقيق؟ ليه إن شاء الله؟، على أساس إيه مش في لجان قانونية».

نرشح لك

أهم أخبار الرياضة

Comments

عاجل