«الطريق بشع وناس كتير بتموت عليه». صديقة مشجعات الأهلي تحكي اللحظات الأخيرة قبل وفاتهما | أهل مصر

كشفت صديقة نورهان ناصر ونرجس صلاح مشجعات الأهلي، اللحظات الأخير قبل وفاة الفتاتين اللذين رحلوا مؤخرًا في حادث سير عقب انتهاء مباراة الأهلي والاتحاد السكندري.\nوقالت مشجعة الأهلي في تصريحات خاصة لموقع وجريدة 'أهل مصر': 'أنا لغاية دلوقتي مش مصدقة ومستني حد يكدب الخبر ويقول إن نرجس ونورهان هيرجعوا تاني، أنا كنت رايحة معاهم وماما صحيت الصبح قالتلي بلاش هيحصلك حاجة'.\nوأضافت: 'ماما طلبت مني أقول لصحابتي محدش يروح الماتش عشان هيحصلهم حاجة، نرجس كانت متشائمة قبل الماتش وقلبها كان حاسس باللي هيحصلها'.\nوأكملت: 'نرجس كانت دايما تنصحنا كتير عشان اكبر مننا وكنا بنسمع لنصايحها وهي شخصية جميلة جدا، كنت بتواصل دايما مع نورهان وكنا هنتقابل مع بعض ونروح الماتش'.\nوتابعت: 'نرجس هي أقرب صديقة ليا ومتعودين نروح كل مباريات الأهلي مع بعض'.\nوعن تفاصيل الحادث، أوضحت ان نرجس ونورهان عقب انتهاء المباراة خرجا من أجل شراء بعض الحلوى والعصائر والمياه من خارج الاستاد، وأثناء عبورهما الطريق لشراء المستلزمات من السوبر ماركت وقع الحادث الأليم.\nوأردفت: 'الطريق بشع لازم يتصلح وفي ناس كتير بتموت هناك وفي واحد من مشجعي الزمالك توفي برضة، سواق السيارة والبنات مش غلطانين ومفيش كوبري مشاة يقدروا يعبروا منه، السواق ملوش اي ذنب ولو ظلمنها يبقى احنا بنفتري عليه وأنا لو مكانهم كنت هعدي الطريق برضة'.