فيديو.. كيف رد أحمد السقا على انتقادات البعض على أدائه التمثيلي؟

علق الفنان أحمد السقا، على الانتقادات التي يتعرض لها في الفترة الأخيرة على مواقع التواصل الاجتماعي على أنه لا يجيد التمثيل بشكل جيد. \nوقال: "أنا اتعودت على كده، في الأول زمان في البدايات كنت بضايق جدا وبتصعب عليا نفسي، لكن لما لاقيت الناس بتقول أي حاجة بيعملها أحمد السقا بيخرج منها سوبر ستار ونجوم بدأت تهون عليا الكثير".\nوأضاف السقا خلال لقائه مع الإعلامية فاطمة مصطفى، في برنامج "الراديو بيتكلم"، المذاع عبر أثير "الراديو 9090": "دلوقتي أنا زي أي بشر بضايق إن في أوقات كتير مجهودي غير مقدر بس بقيت أحسبها في سكة تانية إن أنا لسه عندي كتير أقدمه، مادام الناس شايفة إن عندي نواقص، فأصبحت أنظر إلى الأمر بشكل إيجابي، وليس سلبي".\nوأكد السقا أن أي شخص يقوم بعمل لجنة على مواقع التواصل من أجل أن "يشتم" أو يهين شخصا أو يكسر نفس أحد فعقابها كبير عند الله، فقهر العباد صعب، مضيفا: "ودائما نقول ربنا يكفينا شر قهر الرجال وقهر العباد، واللي بيعمل كده يشيل بقى قدام ربنا".