ياسمين عز ترد عن شائعات إنفصال مها الصغير وأحمد السقا

ردت الإعلامية ياسمين عز علي الأقاويل حول إنفصال الفنان أحمد السقا عن الإعلامية مها الصغير، وذلك خلال حلقتها في برنامجها "كلام الناس" الذي يتم عرضة عبر شاشة MBC.\nوقالت ياسمين عز: "الكلام مش عن عمل جديد بيحضر له النجم أحمد السقا، ولكن الكلام كله عن أنه انفصل عن زوجته وكلاكيت للمرة الخمستلاف وطبعا مش صح ومش حقيقي".\nاقرأ أيضا | فيفي عبده تكشف عن رأيها في عودة موضة القوام الممتلئ للمرأة\nوتابعت ياسمين عز: كل ده علشان بوست مها الصغير قالت فيه جملة أو أو خاطرة أو حكمة، ونصحت السيدات وقالت لا تستحملي الوجع ولا الإهانة لأن في الآخر عمرك هيضيع ومحدش هيشكرك والطلاق صعب لكن الأصعب منه العيش بروح مطفية، وهل هي علشان بتدي نصيحة للستات يبقى هي اطلقت؟ ولو أنا بتكلم عن الحوامل يبقى أنا حامل، لأ إحنا ممكن نتكلم عن الحوامل والمطلقات والآنسات، ليه كل حاجة نقولها تبقى ليها علاقة بينا؟.\nوأضافت حديثها قائلة: ايه الأهمية في أن فلان اطلق، ليه نقول لما ممكن نسكت؟ ليه ننتاقش في الموضوع ده، والراجل طلع وقال يا جماعة دي كدبة أبريل وده مالوش أي أساس من الصحة وتقريبا بقى عنده صيغة ثابتة، أنت هتستفيد إيه لما يطلقوا؟ أنت مش المأذون، يا ريت نسيب الناس في حالها وأنا مش بهزر، أنا بعطيك نصيحة لله ومش أي حد يكتب حاجة ناخدها عليه أنتم كده هتحرموا الست تكتب حاجة.