غادة عبد الرازق: «بتعرض لأزمات مادية عشان التزاماتي كتير»

حلت الفنانة غادة عبد الرازق،  ضيفة على برنامج كلمة أخيرة، تقديم الإعلامية لميس الحديدي، وتحدثت خلال الحلقة عن مسلسلها الأخير صيد العقارب، والذي حقق نجاحا واسعا خلال عرضه بموسم رمضان الماضي.

وقالت غادة عبد الرازق خلال لقائها ببرنامج كلمة أخيرة: مهنة صيد العقارب دور جديد عليا، وعملتها من باب التجديد، وكنت عايزة أرجع للدراما اللي دايما بحلم بيها، وهو العمل اللي بيجمع مجموعة كبيرة من الفنانين، مش عمل واقف على ممثل واحد بذاته، وشوفت سيناريوهات كتير منها سيناريو لـ الكاتب الراحل أسامة أنور عكاشة، ولقينا عند دكتور باهر دويدار فكرة صيد العقارب من 10 سنين، وقولتله هو ده اختياري إن شاء الله السنادي.

وواصلت غادة عبد الرازق، متحدثةً عن حياتها الشخصية، حيث أكدت على أنها تتعرض لانكسارات عديدة بحياتها، قائلة: بحب أخبي كسرتي عشان محدش يشمت فيا، وأنا عموما ست بيتوتية ولحظة الانكسار بختفي أكتر، واللي بيكسرني هو الفشل في الشغل، أعداء ممكن يحاربوني، أو حاجة تمس بنتي أو أهلي، والخيانة، وبتعرض طبعا لأزمات مادية كتير لأني عندي التزامات، ولما بفشل في أي عمل وده دخلي الأساسي، أكيد بيأثر عليا.