فزورة أنا مين.. شيخ المنشدين وأول واحد كان بيستقبل شهر رمضان - اليوم السابع

يقدم "اليوم السابع" على مدار شهر رمضان فزورة بعنوان "أنا مين"، عن نجم من نجوم زمان عبارة عن معلومات من حياته ومسيرته، وذلك من خلال تليفزيون "اليوم السابع" وسنتلقى إجابتكم على حل الفزورة، التي تذاع يوم الإثنين والأربعاء والجمعة طوال شهر رمضان الجارى.\n\nللمشاركة فى حل الفزورة اضغط هنا\nفزروة اليوم قالوعليه الملحنين إنه واحد من أقوى وأوسع الأصوات مساحة في تاريخ التسجيلات، وكمان قالوا إن صوته مكون من ٨ طبقات.\nحفظ القرآن الكريم علي يد الشيخ أحمد خليل قبل ما يكمل ٨ سنين وتعلم الإنشاد الديني في حلقات الذكر، وذاعت شهرته فى محافظات مصر والدول العربية، وبدعوة من الرئيس السوري الراحل حافظ الأسد سافر لحلب وحماه ودمشق لإحياء الليالي الدينية.\nو في عام 1966 بالصدفة قابل الإذاعي أحمد فراج في مسجد الإمام الحسين وسجل معاه حلقات لعدة برامج، ودخل الإذاعة المصرية سنة  1967م.\nهو شيخ المنشدين... وصاحب المدرسة المتميزة في الابتهالات واسمه على  اسم فرقة صوفية معروفة جداً.\nأول ما نسمع صوته بنعرف إن خلاص رمضان على الأبواب...أصل هو اللى كان بيستقبل الشهر الكريم ويرحب بيه ويقول.... أهلا ..مرحبا.\nكان ليه قصة كبيرة مع الملحن بليغ حمدي بدأت في حفل خطوبة بنت الرئيس الراحل أنور السادات وقال وقتها السادات  "افتحوا الإذاعة أنا عايز أسمعه مع بليغ".\nبعدها بأيام راح الإذاعة عشان يسجل مع بليغ حمدي و لكنه كان متردد و كان ناوي يلغي عشان كان خايف من أن بليغ يعمله له لحن راقص ميناسبش الكلمات اللى  بيقولها ...و لكن بعد نص ساعة مع بليغ قال بطل الفزورة للإذاعي وجدي الحكيم  "بليغ ده عفريت من الجن".\nطلعنا من العمل المشترك بينهم بـ 6 ابتهالات عايشين معانا و جوا قلوبنا سنين وسنين وهما أيقونة رمضان ..وأول ما نسمعهم بنحس بالروحانيات الجميلة بتاعت الشهر الكريم .\nوقال بطل الفزورة للإذاعي وجدي الحكيم "لو ماكنتش سجلتهم ماكنش بقالي تاريخ بعد رحيلي".\nاتوفى وهو عنده ٥٥ سنة وساب وراه تراث كبير في الإذاعة المصرية من الأناشيد والإبتهالات،وكمان بعض التلاوات القرآنية.\nقولنا هو مين وإيه أكتر ابتهال حبيته بصوته….. وتوتة توتة خلصت الفزورة\n