أكرم حسني: أنا شخص نمكي شوية.. والفلاتر موجودة حوالينا طول الوقت

حل الفنان أكرم حسني ضيفًا على برنامج ألبوم صور مع إيناس سلامة الشواف عبر محطة راديو إنرجي 92.1 في رمضان. \nوقال أكرم حسني إن والده الراحل بمثابة الإضاءة في حياته، موضحًا: "أبويا الله يرحمه هو الإضاءة في حياتي ولما بعمل حاجة فرحان بيها كان بيبقى نفسي إنه يكون شايفها". \nوتحدث أكرم حسني عن تقليل عدد المحيطين به تدريجيًا قائلاً: "في فلاتر موجودة حوالينا طول الوقت وده بيخلينا نفرز .. في الرحلة بنقلل عدد الناس اللي فاكرينهم صحابنا". \nووصف أكرم حسني نفسه بأنه شخص منظم قائلاً: "أنا شخص نمكي أوي وبحب التنظيم والتخطيط والترتيب وحياتي مليانة جداول وحسابات.. بس التجربة أثبتت إن في حاجات كتير الصدف فيها أحلى". \nواستطرد قائلاً: "الرأي المطلق دي حاجة مش صح وبالنضج والتفكير والخبرة والممارسة مفيش صح مطلق والأفكار بتتغير وبنكبر وبننضج ومفيش حاجة ثابتة". \nوتحدث أكرم حسني في راديو إنرجي عن طبيعة التعامل في علاقاته قائلاً: "فكرة إني أشيل حد من الصورة موجودة بس أنا بعملها بصعوبة عشان بقول يمكن أنا اللي غلطان". \nوأشار إلى أهمية الجمهور في طبيعة عمله موضحًا: "راس مالنا في الشغلانة الجمهور وعيننا على استقبال الناس للشغل عمرنا ما هنقدر نرضي كل الناس". \n وتحدث أكرم حسني عن حنينه لذكرياته في الطفولة قائلاً: "عندي حنين غير طبيعي للأبيض والأسود في الحياة وبعيش مع ذكرياتي وأنا طفل وبحب أتفرج على صورنا العائلية.. وفي أوقات بحب الصور الجماعية ويبقى حواليا ناس كتير وأوقات تانية بحب قعدة البيت لوحدي شوية".