مساعدة يسرا تكشف كواليس عملها معها لأكثر من 40 عامًا (فيديو) | المصري اليوم

كشفت السيدة عليا، مساعدة النجمة يسرا، كواليس عملها معها لأكثر من 40 عامًا.\nيسرا: تكريم الفنان المصري في أي بلد في العالم تمثيل لمصر (فيديو)\nتقدير لجميع الفنانين في مصر: يسرا عن افتتاح دار رعاية المسنين من الممثلين\nبعد فوزه بأفضل فنان في «JOY AWARDS»..أحمد عز : «يسرا وش السعد عليّ» (فيديو)\nوأضافت في تصريحاتها لبرنامج its showtime على قناة cbc : «هي ست مريحة جدًا في الشغل، ومعظم شغلها أنا اللي عملاه، مكنش فيه حاجة اسمها ستايلست، أنا اللي كنت بعمل تفاصيل الشخصية وبختار اللبس ومازالت حتى الآن معاها، بقرا العمل وبعمل التفريغ بتاعي وبتفق مع الاخراج والانتاج ونقول الشخصية هتلبس إيه، ونبدأ تصوير».\nوتابعت: «طول مدة التصوير ببقى مرتاحة معاها لأنها مبتغيرش رأيها وده بيبقى مريح لي، والتغير بيحصل إلا لو فيه حاجة في السيناريو أو حاجة حصلت على الهواء، والمفروض إحنا كبتوع مكياج وكوافير وأزياء عرفنا دماغها إيه، فأنا عارفة مثلاً إيه اللبس اللي في دولابها، فدولاب الفنان هو سلاح الجندي».\nوأوضحت: «ببقى عارفة اللبس لبسته في فيلم إيه أو مسلسل إيه أو برنامج إيه، وهي بتدي المجال لده، في شخصيات تانية تتفقي معاها بتغير رأيها وتيجي على الهواء بعد الاتفاق تقولك مش هلبس اللبس ده».\nواستطردت: «ما يميزها إن لما أدخل عليها في التصوير، ببتسم، بتحس بيها وتقولي إنتي مش تمام وإنك مش على طبيعتك وينتهي الأمر إني بحكيلها على كل مشاكلها، وده مش موجود كتير في حياتنا، حد يحس بيكي ويقراكي من علامات وشك».\n