بشري: «هناك نية لعرض المرأة المصرية في دور رقاصة وفتاة ليل فقط» (فيديو) | المصري اليوم

كشفت الفنانة بشرى عن رأيها في وضع المرأة في السينما، سواء في تقديم موضوعاتها أو المرأة العاملة في السينما بشكل كبير.

غادة عبد الرازق: ممكن أقعد شهرين مخرجش من البيت (فيديو)

شيرين رضا وأحمد حاتم ضيوف «سبوت لايت» غدا

وأضافت في لقاءها مع برنامج سبوت لايت على قناة صدى البلد: «صعب جدًا تنتج أفلام عن المرأة عشان تتاجر بالمرأة وتبيع عشان عارف إن جمهور الستات كبير، وأن مواضيع الستات مطلوبة أو المنصات اللي طالباها».

وأردفت: «وفيه بعض المبدعين بيكونوا عايزين يحسنوا من وضع المرأة وساعات بيتم المتاجرة بالحاجتين».

واستطردت: «المرأة عاملة في الصناعة هي قليلة جدًا، فالمخرجات والمصورات عددهن قليل جدًا، وعندنا مشكلة أجور، الست أجرها قليل، ومبيتكتبش لها مواضيع كتير».

وأردفت: «كله عايز ينتش ويجري هي دي سياسة العصر في كل حاجة، محدش عايز يتعب في حاجة، محدش عايز يعمل مجهود، محدش عايز يحكي قصة حد أو يحكي عن قصة دكتورة أو ست بتتعب على أولادها، فالسينما عندنا حاليًا أشبه بالوجبات السريعة».

واستطردت: «مش معقولة المرأة المصرية يا رقاصة يا فتاة ليل، النقطة ميبقاش التناول رخيص ومفيهوش جودة أو حبكة أو مضمون».