كبرت وخرفت.. منة فضالي: فنانة كبيرة بتحاربني وهاخد حقي منها | أهل مصر

كشفت الفنانة منة فضالي، محاربتها من قبل نجمة كبيرة في الوسط الفني، والتي قررت مؤخرًا عدم التعامل معها مرة ثانية لما تسببه لها من ضرر.\n\nمنة فضالي فنانات كتير حاربوها\nوقالت منة فضالي خلال لقائها مع الإعلامية أميرة بدر ببرنامجها “Vip” على شاشة “هي”: "فيه ناس كتير حاربتني ومنهم نجمة كبيرة جدًا وكبيرة سنًا، ومعنديش فكرة ليه بتعمل كدا، ومواجهتهاش واشتغلنا مع بعض كتير جدًا، وهي من زمان بتعمل معايا كدا، مؤخرًا كان عندنا مسلسل في دولة عربية وأنا بطلة المسلسل والمنتج نفسه اتضايق، كلمني عليها قولتله دي جميلة أوي وهتضيف للمسلسل، قالي أنا اتضايقت أوي من ردك يا منة دي مقالتش عليكي كدا وقالت كلام مش لطيف، وطلبها قدامي وقالت عني كلام مش لطيف، وحشة أوي من جواها أسود".\nوأضافت منة فضالي: "ممكن تكون كبرت وخرفت بقولها داين تداين ولما تقطعي رزق حد ربنا مش هيباركلك، كان جايلها إعلان وطلبوا مني أجبها وقولتلهم لأ وجبت غيرها وعمل وقولت لأ، ومتعرفيش امتى هضرب ضربتي، أنا قوية جدًا وبعرف أمتى أخد حقي، الجشع والكدب والنفاق مش تبعي، وصراحتي بتخسرني ناس كتير، في حاجات ممكن أكدب فيها عشان مخسرش الطرف التاني، ممكن أكون قد حفيدتها، وهي أخر حساباتي وأقولها كلي في نفسك.\nطليق منة فضالي عملها عمل\nوتابعت منة فضالي: "واحدة قالتلي طليقي كان طلب مني أعملك عمل وأرميهولك في البحر والعمل ده اتفك لما السمكة ماتت، بس ده طبعا كلام هبل مافيش حاجة اسمها كدا.\nأزمة منة مع دينا الشربيني\nوأشارت منة فضالي في حديثها إلى أزمة خلافها مع الفنانة دينا الشربيني بسبب مساعدتها، وقالت: "محصلش ومتخانقتش مع دينا الشربيني، اللي حصل إن المساعدة اختفت يومين وأختها اللي كانت معايا في اللوكيشن ومنعرفش عنها حاجة واضطريت أنزل البوست على فيس بوك عندي، لحد ما بنتها كلمتني وقالتلي لقينا ماما محبوسة، وكلمت دينا الشربيني وقالتلي أنها في دبي ولكن لما تنزل هتطلعها وتتنازل عن المحضر".\nواستكملت منة فضالي: "فعلا دينا الشربيني نزلت واتنازلت عن المحضر وطلعوها، ومعرفش هي سرقت ولا لا؟، لأن ممكن يكون حد حابب يوقع بينها وبين دينا، وأصلا مش دينا اللي مبلغة عنها دي بلغت على أن مجوهراتها اتسرقت ولكن حد بلغ أنها المساعدة، لكن مافيش بيني وبين دينا أي خلاف".\nونقدم لكم من خلال موقع "أهل مصر"، تغطية ورصدًا مستمرًّا على مدار الـ 24 ساعة لـ  سعر الذهب، أسعار اللحوم، أسعار الدولار، أسعار اليورو، أسعار العملات اليوم ، أخبار الرياضة، أخبار مصر، أخبار الاقتصاد، أخبار المحافظات، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.