ليه المفروض تحطي واقي الشمس حتى وانتي جوه البيت - بنات حوا

كلنا عارفين اهمية واقي الشمس لحماية البشرة من اشعة الشمس الضارة ، وانه المفروض يبقى خطوة اساسية في روتين العناية ببشرتك كل يوم الصبح ، لكن اللي متعرفيهوش ان واقي الشمس مهم كمان انك تحطيه وانتي جوه البيت ، لان الشبابيك الزجاجية مش بتمنع الاشعة فوق البنفسجية من اختراق الجلد ، بالاضافة ان الضوء الازرق اللي بيطلع من الشاشات الرقمية زي التليفزيون, اللاب توب, الموبايل تأثيرها على البشرة بيكون زي اشعة الشمس وبتسبب تصبغ الجلد, والجذور الحرة اللي بتأدي لفقدان مرونة الجلد ، والتسبب في الشيخوخة المبكرة ، والنهاردة هنقولك طريقة اختيار واقي الشمس للاستخدام في البيت ، بالاضافة ل 5 بدايل طبيعية لواقي الشمس.

طريقة اختيار واقي الشمس للاستخدام في البيت:

– اختاري واقي من الشمس واسع الطيف (Broad spectrum) اللي بيوفر حماية من نوعين اشعة الشمس الضارة.

– عامل الحماية المفروض مايقلش عن 30 او اعلى.

– استخدمي سيروم او كريم بيحتوي على مضادات الاكسدة قبل وضع واقي الشمس ، لتعزيز حماية البشرة من الجذور الحرة.

– اختاري واقي الشمس اللي بيحتوي على مادة اكسيد الزنك او ثنائي اكسيد التيتانيوم في حالة انك بتتعرضي للضوء الازرق اللي خارج من الشاشات الرقمية لفترة طويلة ، لان المادتين دول عندم القدرة على حماية البشرة من النوع ده من الاشعة.

زيت اللوز كمان يعتبر بديل طبيعي لواقي الشمس ، بيمنع تقريبا 20% من اشعة الشمس الضارة ، ادهني زيت اللوز على البشرة كل ساعة لحماية افضل ، وممكن كمان تدهني زيت اللوز تحت العين لعلاج الهالات السودا.

الخس بيعمل طبقة عازلة بتحمي البشرة من اشعة الشمس ، كل اللي هتعمليه انك هتاكلي الخس مرتين في اليوم.

زبدة الشيا بتحمي البشرة من الحروق الناتجة من اشعة الشمس وبتحمي الجلد من الحساسية ، لانها بتحتوي على مادة السيناميك اللي بتقاوم الاشعة الضارة.

ازاي تحطي واقي الشمس تحت المكياج بطريقة صح