أحمد وفيق: جلال الشرقاوي سقطني في المعهد وبالليل خدني فرقة المسرح - E3lam.Com

قال الفنان أحمد وفيق، إن الفنان محمد صبحي، يعتبر تطور زمني لمسرح الفنان جلال الشرقاوي، موضحا أن الفنان محمد صبحي كان مدرسته لتعليم المسرح.

أضاف “وفيق” خلال لقائه في برنامج “مصر جديدة” المذاع عبر شاشة “etc” وتقدمه الإعلامية إنجي أنور: “الأستاذ جلال الشرقاوي سقطني في المعهد وخدني بليل معاه في المسرح، قال لي أنت معاك شهادتك هتخش تعمل إيه في المعهد، واللجنة واخدة بالها أن عندك وعارف سيب فرصة لغيرك واختارني معاه في المسرح”.

أشار: “محمد صبحي أداني أساسيات مهمة ارتكزت عليها في المسرح لأني كنت معاه قبل ما انضم للأستاذ جلال الشرقاوي، وقبل ما أقدم في المعهد، وده عطاني ثقة كاملة على المسرح، أنا مدخلتش أكاديمية لكن كنت حاسس إني أكاديمي”.

أوضح: “اللي كان له دور أهم في حياتي بالمقاييس الجوهرية يعتبر جلال الشرقاوي مش هبصلها بصة مين اللي شهرك، أنا لو مكنتش رحت عند جلال الشرقاوي كان ممكن يوسف شاهين ميشوفنيش..البلد كانت مليانة مسارح لكن أنا عيني على أستاذ صبحي وأستاذ جلال الشرقاوي ولما كان بيجي لي شغل في مسارح تانيه وأنا ممعيش فلوس مكنتش بروح”.