محمد موسى: عواطلية السوشيال ميديا هيفككوا المجتمع ويودوه في داهية
علق الإعلامي محمد موسى، على واقعة إلقاء الأجهزة الأمنية بقسم شرطة المعصرة بحلوان، القبض على صاحبة قناة “يوميات أنوش” لاتهامها بنشر الفسق والفجور وخدش الحياء العام، مقابل 1000 دولار إسبوعيا.
وقال محمد موسى خلال تقديم برنامج "خط أحمر" على قناة الحدث اليوم، "استخدامنا للسوشيال ميديا هيودي المجتمع في داهية وهنفوق وإحنا مجتمع مفكك ومهلهل بسبب الإسفاف المنتشر علي السوشيال ميديا وللأسف تلاقي ربات بيوت طالعين يقدموا محتوى متدني ومسف واللي تلاقيها طالعة تتعري واللي طالعة تتمايص واللي طالعة تستعرض أنوثتها لرواد السوشيال ميديا واللي طالع يتكلم في بمنتهي الصفاقة وبمصطلحات وكلمات مينفعش أبداُ ولادنا يسمعوها ويقولك يوتيوبر وبلوجر".
تابع، "شوية عواطلية ملهومش ستين لازمة محتاجين وقفة سريعة مع الظواهر المتخلفة دي اللي كل يوم بتجرف في عادتنا وتقاليدنا وبتشه صورة بلد كبير بحجم مصر .. والله الناس بيضحكوا علينا بره".
Comments