جليلة محمود تبكي على الهواء: مبحبش حد يسألني عن أولادي ... ابني مات بسبب الحسد | خبر

12/09 03:46

كشفت الفنانة جليلة محمود عن سبب خوفها الشديد من الحسد، مما يجعلها ترفض ظهور أبنائها للناس.

وأوضحت جليلة محمود في مقابلة مع ياسمين عز ببرنامج "كلام الناس" عبر قناة mbc مصر، أنها فقدت ابنها قبل 24 عاما بسبب الحسد.

وأضافت: "عندي ابن راح بالحسد، فلا حابة ولادي حد يشوفهم ولا يعرف عنهم حاجة، ولا اتوجع تاني، لأن الوجع مستمر معايا من سنة 1998".

نرشح لك- من بينهم أنتونيو بانديراس وليلى علوي ... نجوم العالم في حفل ختام مهرجان البحر الأحمر السينمائي الدولي

وتابعت جليلة محمود: "الحسد في كلمة، كلمة اتقالت وتليفون جالي، ابنك عمل حادثة، محدش شافه، كنت بقول عادي، عندي 3 صبيان وبنت، فاتقال لي ما أنتي اللي زيك يجيب ولاد، التليفون جالي، ابني راح".

وتابعت: "كان 18 سنة، سنة أولى كلية تجارة، وراح، فمبحبش حد يكلمني عن ولادي، محبش حد يقولي مين ولادك، محبش أنزل صور لولادي".

وأكدت ياسمين عز أن فريق الإعداد أخبرها قبل الحلقة أن جليلة محمود لا تحب أن يتم سؤالها عن أولادها، وأوضحت: "دايما لما ضيف يجب حاجة، معملهاش، لأن محبش حد يمشي من عندي زعلان، أنا مفهمتش ليه ومكنتش أعرف أن له علاقة بالحسد".

وردت جليلة محمود: "الحسد مذكور في القرآن، كنت في الأول صغيرة وولادي فرحانة بهم وباخدهم معايا في كل مكان، لكن بدعي ربنا إن ما يوجعنيش تاني ولا يوجعهم، لأن دي أصعب حاجة، يا رب ما حد يشوفها، فعلا دي أصعب حاجة ممكن واحدة تمر بها، الحمدلله على كل شيء وربنا يبارك فيهم".