مجاتليش دعوة بسبب الفستان الفرعوني.. هند عاكف تكشف أزمتها مع مهرجان القاهرة

كشفت الفنانة هند عاكف تفاصيل أزمتها في مهرجان القاهرة بدورته الـ 44 ومحاولة منعها دخول حفل الافتتاح مؤكدة أن إدارة المهرجان لم يرسل لها دعوة رغم تاريخها الفني ولكنها كانت تحمل دعوة لحضور المهرجان أهداها لها أحد زملائها.

وقالت هند عاكف معاتبة الفنان حسين فهمي رئيس المهرجان قائلة :" أنا مجاليش دعوة من إدارة المهرجان ينفع الكلام دا لفنانة مصرية بتشتغل من وهي عندها 4 سنين؟" وأضافت قائلة :" سأعاتب الأستاذ حسين فهمي كرئيس مهرجان والمهرجان دا بيتي المفروض وهي جاهزة ومحدش يمنعها أولا لأن احنا فنانين".

وأوضحت قائلة :"السنة دي تواصلت مع إدارة المهرجان سألتهم الدعوات اتطبعت ولا لأ قالولي هنشوف ومش عارفين اسمك في الكشف ولا لأ وبعدها بلغوني إن اسمي مش في الكشف وإنهم بلغوا الأستاذ حسين" وتابعت قائلة:"كلمت الأستاذ حسين ومردش عليا وبعتله رسالة إني عايزة أقابله في إدارة المهرجان".

واستكملت تفاصيل الازمة خلال لقائها مع الإعلامية رغدة شلهوب في برنامج "نص الكلام" قائلة :"رحت الإدارة علشان أقابل أستاذ حسين فهمي مالقتهوش وقابلت بنت في الإدارة قالتلي أستاذ حسين قال إن هند عاكف ملهاش في المهرجان سألتها إنتي متأكدة من اللي بتقوليه؟ ردت عليا إنتي كنتي لابسة إيه السنة اللي فاتت؟".