عمرو أديب: الناس بتعمل جمعيات عشان السبلايز - E3lam.Com

علق الإعلامي عمرو أديب على ظاهرة المبالغة في طلبات “السبلايز” مع بداية العام الدراسي الجديد والأزمة الاقتصادية الحالية.

قال “أديب” خلال حلقة أمس الجمعة من برنامج “الحكاية“، المذاع عبر شاشة “mbc مصر”: “الله يكون في عون أولياء الأمور بيحاولوا يوفوا احتياجات ولادهم بصعوبة، خصوصا إن في بعض المدارس بتفتري في الطلبات، الكحول ده مثلا بتطلبوه ليه؟ ما موضوع الكورونا عدى خلاص، ليه أطلب لتر كحول من كل طالب؟”.

أضاف: “طلبات غريبة الله يكون في عون الناس، ويقدر الناس اللي بقت تعمل جمعيات عشان السبلايز”.

فيما أوضح عمرو أديب سبب ارتفاع سعر البيض، معلقا: “الناس اللي بتشتكي إن سعر البيض زاد للمرة العاشرة، مهو زاد علشان مفيش علف ومفيش دولار وفي مشاكل بره، عشان كده كل ما يحدث في روسيا حاليا يؤثر على مصر لأنه بيطول المشكلة أكتر، ربنا يساعد الدولة المصرية إنها تقدر تكمل وسط كل ده”.

وكان الإعلامي عمرو أديب، علق مؤخرا على شائعات تأجيل الدراسة، لافتا إلى أن الطلبة في إجازة منذ فترة طويلة.

قال “أديب” خلال تقديمه لبرنامج “الحكاية” على شاشة “mbc مصر”، إن الطلبة متأخرة كثيرا في التعليم، متعجبا من وجود الكثير من الأشخاص يدعون لتأجيل الدراسة.

أردف: “شايف ناس بتزق أوي عشان تأجل الدراسة، إحنا متأخرين جدا، إنتوا شايفين التعليم مكسر الدنيا يعني! عايزين العيال يقعدوا في البيت أكتر من كدا ليه، أنا مش فاهم، إنتوا في أجازة بقالكوا 20 سنة نتعلم حبة هتتعلموا إمتى!”.