إيمي طلعت زكريا تكشف عن علاقتها بـ «هنا الزاهد» وأمنيتها بالعمل مع أحمد مكي | المصري اليوم

حلت الفنانة ايمي طلعت، ضيفة في برنامج «عيش سعيد»، والذي يقدمة كلًا من إيهاب صالح، لينا صالح، وسهي رضا، على قناة Etc.

إيمي طلعت زكريا توجه رسالة لوالدها: «وحشتني»

إيمي طلعت زكريا تتذكر والدها : أصرخ بالنداء..احتاجك ولا أجدك

وكشفت عن علاقتها بالفنانة هنا الزاهد قائلة: «بعتبر هنا أختي، وأخواتها أخواتي لأن فعلًا بابا كان بيحبهم جدًا، وأي حد بابا كان بيحبه أنا بحبه، والأسبوع الماضي كنا سهرانين عندهم لحد بعد الفجر، وكانت هنا موجودة، وكنا قاعدين وأحمد مكي قاعد يكلمنا فيديو كول، وأحنا عيلة بعيد عن أي كلام مفيش غِيرة، أنا لاين، وهنا لاين تاني خالص، ودايمًا أي حاجة بتعملها أنا ببارك لها، وهي أي حاجة أنا بعملها هي بتبارك لي، وعلى طول مع بعض، وبنقعد مع بعض نفتكر بابا، ولازم نقرأ له الفاتحة، وأحنا قاعدين مع بعض متجمعين».

وأضافت: «رغم أن والدي انفصل عن والدة هنا، قبل الوفاة بسنة، بس علاقتنا كانت كويسة، أنا بحبهم بحسهم أخواتي، وبينا حاجات كتير، ومواقف كتير».

وعن الفنانين اللذين تتمنى مشاركتهم في أعمال فنية قالت: «أنا كان نفسي اشتغل مع الزعيم لكن ده محصلش، اشتغلت مع الفنان الكبير سمير غانم، وحسن يوسف، طبعًا ووقفت أمامهم على خشبة المسرح ده بالنسبة لي أنا كدا اكتفيت».

وأكملت: «نفسي اشتغل من الجيل ده طبعًا ومن أذكي الفنانين اللي أنا بشوفها، ونفسي اشتغل معاه أحمد مكي».

وتابعت: «أحمد مكي مبيتكلمش كتير على الفاضي، بيشتغل وبِينجح أي حد بيشتغل معاه، يعني بيومي فؤاد، محمد سلام، ناس كتير جدًا اشتغلوا معاه ونجحوا، ونفسي جدًا اشتغل معاه، ورحمة أحمد وكل الناس دي».