إيمي طلعت زكريا تكشف حقيقة وجود خلافات مع هنا الزاهد | المصري اليوم

حلت الفنانة إيمي طلعت زكريا، ضيفة في برنامج «عيش سعيد»، والذي يقدمة كلًا من إيهاب صالح، لينا صالح، وسهي رضا، على قناة Etc.

هنا الزاهد تستعد لتصوير «سيب وأنا أسيب»

اَية سماحة تكشف كواليس مشاركتها مع هنا الزاهد في «سيب وأنا أسيب»

هنا الزاهد تحتفل بعيد زواجها الثالث بفيديو مع أحمد فهمي

وكشفت عن علاقتها بالفنانة هنا الزاهد، وشقيقاتها ومن تتمنى العمل معه، قائلة :«انا فعلًا بعتبر هنا، وأخواتها اخواتي لأن فعلًا بابا، كان بيحبهم جدًا، وانا أي حد بابا، كان بيحبه انا بحبه، لسه حتى الأسبوع اللي فاتت كنت عندهم انا وعمر، كنا سهرانين عندهم لحد بعد الفجر، وكانت هنا، موجودة، وكنا قاعدين وأحمد، قاعد يكلمنا فيديو كول، احنا عيلة بعيد عن أي كلام مفيش غِيرة، غيرة أي، يعني انا لاين، وهنا، لاين تاني خالص، ودايمًا أي حاجة بتعملها انا ببارك لها، وهي أي حاجة انا بعملها هي بتبارك لي، وعلى طول مع بعض، وبنقعد مع بعض نفتكر بابا، ولازم نقرأ له الفاتحة، واحنا قاعدين مع بعض متجمعين».

وتابعت :«لا هو زمانه مبسوط دلوقتي، حتى علاقة مامت هنا، ب مامتي حلوة جدًا جدًا، اصل خلاص هو راح ف أي حاجة لا خلاص احنا مع بعض، وكويسين مع بعض، ومامت هنا، كانت قاعدة جنب ماما، في العزا وبيخدوا العزا».

وأضافت :«رغم انه كان انفصل عن مامة هنا، قبل الوفاة بسنة، بس علاقتنا كانت كويسة، انا بحبهم بحسهم أن هما أخواتي، بينا حاجات كتير ومواقف كتير، ف لا مفيش بينا حاجة تانية خالص.. بعد الزعيم، انا كان نفسي، اشتغل مع الزعيم لكن ده محصلش، اشتغلت مع سمير غانم، وحسن يوسف، طبعًا ووقفت ادامهم على خشبة المسرح ده بالنسبة لي انا كدا اكتفيت».

وأكملت: «نفسي اشتغل من الجيل ده طبعًا من اذكي الفنانين اللي انا بشوفها، وهو نجم في حتته وبرافو عليه جدًا ونفسي اشتغل معاه أحمد مكي».

واستطردت :«أحمد مكي، اد أي ممثل ذكي،مبيتكلمش كتير على الفاضي، بيشتغل وبِينجح أي حد بيشتغل معاه، يعني بيومي فؤاد، محمد سلام، ناس كتير جدًا اشتغلوا معاه ونجحوا، ونفسي جدًا اشتغل معاه، ورحمة وكل الناس دي.. هو بيحب يساعد الممثل، مبيحبش يبخل على الممثل بأي حاجة فنفسي أحمد مكي، جدًا».

وعن أعمالها القادمة، ردت قائلة:«هولسه مفيش تحضير لحاجة في رمضان بس في مسرح، لاني بعشق المسرح جدًا، مع المنتج الكبير أحمد الإبياري، انا مش عارفة هيقول أي بعد التصريح ده ربنا يستر، حاجة برده قريب أن شاء الله وهتبقى حاجة على مستوى كبير جدًا وحاجة فيها شغل كتير».