ياسر علي ماهر : بعض المشايخ تحولوا إلى أعداء للفنانين (فيديو) | المصري اليوم

هاجم الفنان ياسر على ماهر من يحرمون الفن، مشيرا إلى أن فتواهم هذه ستهدم الحضارة، وأن قديما كان الشيخ عبدالحليم محمود أبا مع الفنان، أما الآن المشايخ لا يدعمون الفن.

وقال ياسر على ماهر خلال لقائه ببرنامج «الرسالة» المذاع عبر شاشة «الحدث اليوم»: «الشيخ شلتوت كان يقدم حلقات جنة ونار بصوته الشريف لوالدي الفنان محمد على ماهر، وقال لو أن الأزهر يعطى دكتوراة لأعطيتها لك وأصر أن على والدي أن يؤم المشايخ».

وتابع الفنان: «الشيخ عبدالحليم محمود، كان أبًا مع الفنان وليس عدو، وبعدين أجي أعمل حاجة دينية تقولي لأ ده ممنوع، طب أعمل الفن اللي أنا أعرفه، تقولي لأ الفُحش، أرسوا لكم على بر، إحنا معاكم في مركب واحد، الكلمة تجمعك وتجمعني، الكلمة ليس مكانها المنبر فقط، الكلمة موزعة علينا».

وتساءل «ماهر»: «إزاي ربنا أداني الموهبة عشان حد يحرمها عليا، ولو جيت عملت شعر يقولوا حرام، نستوعب ده إزاي؟، ولو الفن حرام ده معناه أنه مفيش لا سينما ولا مسرح ومفيش إحسان عبدالقدوس ولا طه حسين ولا كل هذا التراث ولا يوسف شاهين وعلم مصر اللي عليه الصقر، وكل بنت لابسة بلوزة عليها عصفورة، ويبقى كل البرامج مفيهاش بنات، ونهد الحضارة والأهرامات والكباش وكل الشغل الفرعوني والمتاحف والكورة، لأنها بتشغل عن ذكر الله، مع أننا لما بشوف جون بقول الله أكبر، لكن للأسف ظهر مجموعة من المشايخ لا يعرفون الفن».

وواصل: «والناس اللي بتصنع الأشياء دي هتأكلها منين، وبالنسبة للتمثيل على وجه التحديد هضرب مثال لو أنت معاك سكينة قتلت بيها يبقى العيب في السكينة ولا فيك؟، فالفن المقياس حسنه حلال وقبيحه حرام لأن الفن من الفنون القائمة على الحق والخير والجمال».

واختتم: «انت عارف إيه هيحصل من كلمة الفن حرام ؟ عرفت إيه الأثر؟ كل أصحاب المهن دي لازم تأكلها، هتهدم الحضارة بالكامل، مش اللغة المصرية القديمة بالرسومات، ده حرام يبقى مفيش اللغة الهيروغليفية القديمة ما هم بيرسموا».

الفنان ياسر علي ماهر عن «سينما الشعب»: مشروع ضخم ويحتاج دراسة كبيرة

ياسر علي ماهر أرفض العمل مع أحمد ومحمد السبكي

ياسر علي ماهر: المسرح المتنقل يساهم في نهضة الفن