أيمن بهجت قمر يتراجع عن هجومه على محمد نجاتي: كفاية تجريح فيه | خبر

07/03 19:10

دعم الشاعر أيمن بهجت قمر، الفنان محمد نجاتي، وتراجع عن الهجوم عليه بعد تصريحاته الأخيرة ضد المؤلفين.

ونشر المؤلف أيمن بهجت قمر فيديو لتصريحات سابقة للفنان محمد نجاتي كان يهاجم فيها المؤلفين، عبر حسابه الشخصي بموقع التواصل الاجتماعي Facebook، وعلق قائلا: "أنا قبل كده هاجمت محمد نجاتي لما غلط في المؤلفين بشكل غير مقصود، لكن كفاية تجريح في الراجل، كلنا بنغلط وكله رزق ونصيب".

نرشح لك: نسرين طافش تكشف هوية زوجها: ليس مدرب يوجا

وتابع: "نجاتي موهوب وأكيد وقته هييجي، وأتمنى من محمد نجاتي ما يتأثرش بأي كلام لأن محدش بيتعمد الإساءة له وبقول له إنت أخ وزميل وليك أعمال مميزة وحصل خير".

وكان الفنان محمد نجاتي، قد شارك جمهوره ومتابعيه، مقطع فيديو يكشف فيه عن اضطراره للمشاركة في أعمال فنية لا يرضى عنها، كما أعلن عن استعداده للاعتزال، قائلا: "عاوز أقول إني ماكانش ليا دخل في ترشيحي لمسلسل (محمود المصري) مع أستاذ محمود عبد العزيز، الترشيح جاء من خلال الدكتور مدحت العدل وهو حي يرزق يُسئل في ده".

وأضاف: "أما بقي بالنسبة للبوست اللي اتقال فيه شوف دلوقتي أمير كرارة فين ومحمد نجاتي فين؟ طبعا أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، قدر إنه يوصل لحب الناس وقاعدة كبيرة جدا من الجمهور، لكن دي حاجة مش بإيديا، دي حاجة خارجة عن إرادتي".

تابع: "أنا راجل ممثل وبشتغل الحاجات اللي بلاقيها كويسة ومناسبة، ممكن تكون مش أعمال بتاخد بروباجاندا كبيرة زي ما فنانين كتير بيشاركوا في أعمال أنا أتمنى أكون في الحاجات المهمة دي، لكن غصب عني أنا مضطر أاشتغل حاجات علشان أكمل بقيت حياتي لأن عندي التزامات، وعندي حاجة تخليني مش مبسوط أوي".

واختتم: "وأحيانا بضطر أقبل حاجات مش راضي عنها علشان أقدر أكمل حياتي، وإذا كانت الوضعية دي مضايقة ناس أو بعض الصحفيين على فكرة أنا ممكن أعتزل وأريحكم كلكم مني وتبقى نهاية الحكاية".

#شرطة_الموضة: دنيا سمير غانم بإطلالة صيفية تظهر رشاقتها في أحدث ظهور

منى زكي: دي الحاجات اللي أحمد حلمي غيرها في شخصيتي و"لي لي" تراجعت عن التمثيل في آخر لحظة

إحالة مصطفى هريدي للمحاكمة في قضية دهس 4 بسيارته

#شرطة_الموضة: "كورسيه" إليسا يغيير تصميم فستانها في حفل الغردقة

لا يفوتك: كيف تتم المشاهد الحميمة في هوليوود؟ حوار "في الفن" مع منسقة المشاهد الحميمة ريبيكا جوهانسن (1)