ملخص تصريحات هنادي مهنا: «الشائعات أحسن ما يحسدونا ولهذا السبب قررنا تأجيل الإنجاب» | الفن | جريدة الطريق

حلت الفنانة هنادي مهنا مؤخرًا ضيفة الإعلامية لميس الحديدي ببرنامجها كلمة أخيرة المذاع عبر شاشة قناة on الفضائية وأثارت ضجة بتصريحاتها عن رشاقتها وعلاقتها بزوجها وكواليس أعمالها.

وقالت هنادي مهنا إنها تشعر بالذنب إذا كانت مشغولة بالتصوير وتشعر أن زوجها أحمد خالد صالح ينقصه شيء، معلقة: "قبل ما أروح التصوير بهتم جدا يكون عنده فطار وغدا".

وتابعت: "مينفعش تبقى حاجة ناقصاه وأنا مش موجودة، أحس بذنب رهيب.. أنا بحب أطبخ، وممكن أرجع من التصوير بالليل أعمل غدا وعشا لتاني يوم، والصبح أعمل فطار، بحاول أبقى ست بيت".

وأشارت هنادي مهنا إلى أنها لا تتأثر بالشائعات التي تظهر عنها وعن زوجها، قائلة: "موضوع الشائعات بقى يضحكني، خليهم يقولوا أحسن ما يفتكروا إننا كويسين قوي ويحسدونا"، وفيما يخص غيرتها عليه: "ممكن أمسك تليفونه لكن قليل وعندي الباسوورد".

وأضافت: "مش عشان حاجة، هو مش بيغيره ومعندوش حاجة يخبيها"، وردت على سؤال المذيعة: هل المجتمع حاليا يضغط على الفتاة ويطالبها بأن تكون رشيقة؟، قائلة: "ده شيء وحش جدا، بقينا مهتمين بالسوشيال ميديا وإنستجرام".

واستكملت قائلة: "و99% منه فوتوشوب وفلاتر وعكس الطبيعي.. ومش مهم الشكل ولا الرشاقة ولا رأي أي حد، أهم حاجة الواحد يكون مبسوط من جواه".

وعلقت على ظهورها كضيفة شرف بمسلسل الكبير أوي 6 ومربوحة، قائلة: "المخرج أحمد الجندي مريح جدا.. وظهور رحمة أحمد من أجمل الأشياء التي حصلت في رمضان 2022، ولم تكن بيننا معرفة سابقة، لكن بمجرد لقائنا شعرت بأنها صديقتي من زمان".

هنادي مهنا برنامج كلمة أخيرة

وقالت هنادي مهنا عن الخطوط الحمراء في أدوارها: "خطوطي الحمراء أساسها وجودي في مجتمع مصري، وأتخيل الجمهور الذي يشاهد الفنان في التليفزيون ويعتبره قدوة.. وأتمنى أكون من الناس اللي الأهالي بيشجعوا أولادهم يقلدوهم، مش عايزة أعمل حاجة تضايقهم أو مش شبه أطفالهم".

وتحدثت أيضًا عن طفولتها وقالت: "طلعت مع هالة سرحان وأنا عمري 3 سنين، وأول فيديو كليب 4 سنين ونصف وكنت فاهمة أنا بقول إيه.. طول عمري بنت أبويا أنا أصغر أخواتي، وأى مشكلة أنا واخدة صف بابا، وحتى لو غلطان، محدش يزعله، لكن لما اتجوزت بدات أفهم قد أيه الست بتتعب".

وتابعت: "وماكنتش شايفة تعب الست غير لما اتجوزت وبقيت قريبة جدا من ماما.. احترمت والدتي جدا وخصوصا أنها سابت بلدها وجت بلد ما تعرفهاش بلغة هي متعرفهاش، وهى ما زالت عايشة في مصر إلى الآن، هي فرنساوية".

وعن غيرتها على زوجها الفنان أحمد خالد صالح قالت: "أكيد أنا زي كل البني آدمين بس مش بتخانق وهو بيغير عليا في حدود الطبيعي، ‏وأحمد مش بيقولي ستو أنا، رغم إن الناس كلها بتقولي كده‏".

وتحدثت الفنانة هنادي مهنا في لقائها التلفزيوني الأخير عن سر رشاقتها، وأشارت إلى أنها كانت في إسبانيا خلال فترة الجامعة تتحرك بشكل كبير وكانت رشيقة لكنها اكتسبت الوزن بعد عودتها إلى مصر بسبب طبيعة الأكل الشرقي، معلقة: "لما جيت مصر كان فيه دلع كتير أوي، محشي وحمام ومسقعة ودي حاجات مينفعش تتساب ومتتكلش".

وتابعت: "لما اشتغلت ممثلة مكنتش مستوعبة طبيعة الشغلانة وأن الشغل موسمي ممكن يبقى مكثف شهرين متتالين ثم شهرين آخرين قاعدين في البيت مش بنعمل حاجة".

وأضافت: "ودي كانت حاجة بالنسبة لي فيها إحساس غريب، وكنت بقول فيه حاجة غلط لأني متعودة على الشغل اليومي وأني أنام وأصحى عشان ورايا شغل.

وقالت عن مشاركتها في مسلسل مكتوب عليا: "أنا شغالة في المسلسل ده كنت بقلهم أنا جاية أتعالج عندكم نفسياً من كتر الفرحة والطاقة الايجابية.

اقرأ أيضًا: طارق مرتضى: نطالب هاني شاكر بإعادة النظر في استقالته لاستكمال إنجازاته