المحتوى الرئيسى

وليد منصور ردا على اتهامات الشاب خالد: مفيش عقد بيننا - E3lam.Com

05/24 01:04

رد المنتج وليد منصور على اتهامات الشاب خالد له بعدم إعطاءه كل مستحقاته المادية بعد حفله الأخير في مصر.

قال “منصور”، خلال لقائه مع “ET بالعربي“: “المحامي ياسر قنطور ده معندوش غيري وكل شوية يطلعلي بواحد، لكن هو بيحب يشتغل على الفنانين الغير مصريين، وأنا لما راجعت كل الناس قالوا إحنا واخدين فلوسنا مخصوم منها 10% بتاع الشركة وده الطبيعي، هما بقا مش عاوزين الشركة تاخد نسبتها أصلا، غير إن الوسيط اللي بيننا شكله مش مسلم الجزء الكاش اللي خده يوم الإيفينت.. لكن إحنا معانا الوصل إنه استلم”.

أضاف: “بعت للشاب خالد ميل مردش عليا وبعتله واتساب، لكن في حد بيننا وهو مدير أعمال إحدى الفنانات، لكن إحنا مفيش عقد بيننا وبين خالد أصلا”، موضحا أنه قام برفع دعوى مضادة بتهمة التشهير بشركته.

أردف: “أنا معنديش مشاكل مع الشاب خالد، وكل المرات اللي عمل فيهم حفلات في مصر من خلالي.. حتى أغنيته مع تامر حسني كانت من خلالي”.

كان الفنان الجزائري الشاب خالد، أعلن عن نيته مقاضاة المنتج وليد منصور في مصر، على خلفية عدم حصوله على مستحقاته المالية في الحفل الذي أقامه الأخير له في مصر.

نشر الشاب خالد بيان عبر صفحته الرسمية على موقع تبادل الصور والفيديوهات “إنستجرام”، جاء فيه: “بداية يعلم الله مدي حبي واعتزازي وتقديري لمصـر الحبيبة قيادة وشعبا، وباعتبار أن مصر هي بلدي الثاني ولها محبة ومعزة خاصة في قلبي”.

أضاف الفنان في بيانه: “بتاريخ 2021/9/11 تعاقدت على إقامة حفل غنائي في فندق جي دبليو ماروت لصالح شركة النخيل وتم التعاقد مع شركة تالنت دبيلو أم للدعاية والإعلان ويمثلها السيد / وليد جمال منصور شعلان و شهرته المنتج / وليد منصور.. تم إقامة الحفل دون أن يتم محاسبتي ودون حصولي على أجري كاملا المتفق عليه من المنتج والمسئول عن تنظيم الحفل السيد / وليد منصور، وبالرغم من وجود عقد مبرم بيني وبين شركته إلا أنه مع الأسف الشديد قد ماطل واستولى على باقي أجري المتفق عليه فلم يقم بتحويل باقي المبلغ المتبقي ومنذ ذلك التاريخ أصبح الكلام معه عبارة عن مماطلة وتسويف وعدم التزام بالعهود ولم أسمع منه سوى الوعود الكاذبة بالسداد ولكن دون جدوى”.

أهم أخبار الوسيط

Comments

عاجل