خبر ابيض | بالفيديو .. إلهام شاهين الصغيرة : فيلم أصحاب ولا أعز فيلم عادي والسينما بتتكلم في كل حاجة

لفتت الممثلة الشابة إلهام صفي الدين، ابنة شقيقة الفنانة إلهام شاهين، الأنظار بسبب التشابه الكبير بينهما، كاميرا خبر أبيض التقت بها وكشفت عن رأيها في عدد من القضايا المثارة على الساحة الفنية حاليًا، وخطتها للمرحلة المقبلة وأعمالها القادمة.

وقالت : حبيت فيلم أصحاب ولا أعز من قلبي، والتمثيل فيه رائع والإخراج كمان كويس جدًا، والفيلم عادي جدًا لكنه بيناقش قضايا كتير إحنا مش متعودين نتكلم فيها،  بس الفيلم ده من إنتاج نتفليكس، يعني معمول لمنصة عالمية، وأنا شايفة إن متعملش فيه حاجة أوفر خالص، لأن السينما بتتكلم في كل حاجة، والنماذج دي موجودة في مجتمعنا ممكن يبقى أخو حد أو أخت حد، والفيلم ده نسمة جنب الأعمال الي بتعرضها نتفليكس.

وأضافت : الناس بتتكلم كتير عن الفيلم بدون سبب، والهجوم عليه بقى سخيف جدًا، لكن عن نفسي الفيلم عجبني جدًا، وعن رد فعلها لو عرض عليها دور منى زكي في الفيلم قالت : لو أعمل دور زي ده وقدراتي تسمح طبعًا هعمله.