خبر ابيض | بالفيديو .. هادى الباجورى : شغلتى أصدم الجمهور وبوسة خالد النبوى وشيرين رضا كانت لتتويج قصة الحب فى فيلم قمر 14

بدأ عرض فيلم قمر 14في 12 يناير الجاري، في دور السينما، وحقق إيرادات مقبولة حتى الآن، خاصة انه يعرض في موسم امتحانات الفصل الدراسي الأول، والذي يتزامن مع انخفاض درجات الحرارة بشكل كبير هذه الأيام.

كاميرا خبر أبيض التقت بالمخرج هادي الباجوري، ليتحدث عن تفاصيل مشهد قُبلة خالد النبوى وشيرين رضا، وقال : المشهد ده مكانش موجود، وأنا قولت للمؤلف محمود زهران، إن الفيلم لازم يخلص بـ بوسة، والمشهد ده بالذات انتصار لكل القصص اللي في الفيلم، والبوسة دي قمة الحب، لكن المجتمع بتاعنا هو اللي بوظ اللقطة، وطو عمرنا السينما بتاعتنا فيها بوس، ومكنش حد بيعترض.

وتابع : زمان في فيلم واحد صحيح كنت عامل مشهد صادم فيه بوسة من هاني سلامة ورانيا يوسف ومعملش رد الفعل الكبير ده، لأن المشهد لو صادق الناس هتحبه وتصدقه.

فيلم قمر 14 من بطولة كوكبة كل من خالد النبوي، غادة عادل، شيرين رضا، أحمد الفيشاوي، خالد أنور، ياسمين رئيس، أحمد مالك، مي الغيطى، أحمد حاتم، أسماء أبو اليزيد، إضافة إلى عارفة عبد الرسول، محمد مهران، أحمد بدير، محمد جمعة، بيومي فؤاد، محمد علاء جمايكا، ليلى عز العرب، وغيرهم، والعمل من تأليف محمود زهران، وإخراج هادي الباجوري، وإنتاج أحمد السبكي.