«معرفش يحل ولا يركز في الامتحان».. والدة طالب تشكو مراقبًا رفض دخوله الحمام | أهل مصر

01/18 18:01

كتب : شيماء الهوارى

كشفت والدة طفل بمدرسة فاطمة الزهراء الرسمية لغات بحدائق حلوان، تفاصيل منع ابنها بالصف الرابع الابتدائي من دخول الحمام أثناء الامتحانات، حتى تبول الطفل على نفسه داخل اللجنة، مما تسبب فى حرج له أمام أصدقائه والمعلمين .

وقالت والدة الطفل فى تصريحات خاصة لـ «أهل مصر»، "ابنى فى سنة رابعة إبتدائي وكان رايح امتحان العربي متوتر وقلقان من المنهج زى كل الطلبة اللى أول مرة يدخلوا امتحان ولجنة، وأثناء الامتحان طلب من المراقب إ. أ دخول الحمام لأنه مش قادر يستحمل، لكن المراقب رفض، وقاله: "أقعد مكانك"، ومرضيش يخرجه بالرغم من بكاء الطفل.

وتابعت حديثها، "طوال فترة الامتحان وابنى متوتر ومش مركز في الامتحان، لأنه عايز يدخل الحمام من البرد، وفي الأخر مقدرش يمسك نفسه من التوتر والسقعة وشخط المدرس فيه وتبول على نفسه، وفضل مكسوف جدا ومش عارف يتحرك قدام أصحابه غير البرد اللى بقي فيه بسبب المياه اللى فى البنطلون".