أمينة خليل: أهلى قالولى لازم تشتغلى جرسونة وتنضفى الحمامات

أثارت أمينة خليل الجدل بعد حديثها عن كفاحها قبل دخولها عالم التمثيل، خلال وجودها فى برنامج "abtalk"، على موقع يوتيوب.

وقالت أمينة خليل: "كنت أعمل ك جرسونة فى نيويورك، وأنا لما بعمل حاجة بعملها بضمير أوى.. كنت البنت اللى بتسافر عشان تدرس وتشتغل عشان معهاش فلوس.. وهذا ما فعلته بالضبط، وتلك كانت الحقيقة".

وتابعت أمينة خليل: "كنت فى مدرسة التمثيل وعايزة أشتغل وأهلى كانوا عايزنى أكسر حياتى اللى عشتها داخل فقاعة بالقاهرة، لأتعلم الاعتماد على ذاتى، وقالولى: لازم تشتغلى جرسونة وتنضفى الحمامات وكل حاجة عشان تتعلمى قيمة الجنيه".

واستكملت أمينة خليل: "وعشان أنا طائشة وأحب شراء الملابس، أنفقت كل أموالى من العمل على شراء الملابس واتصلت بوالدى وطلبت منه أن يرسل لى أموالا وقاللى: لأ، وتكلمت مع أمى وأرسلت لى فلوس.. أكيد مش هتسيب بنتها فى بلد غريبة من غير ما يكون معاها فلوس".

وخلال الحلقة، أوضحت أمينة خليل أنها ذهبت للطبيب النفسى وتعالجت لفترات طويلة ومازالت حتى الآن، وترى أن هذا أمر رائع يساعدها كثيرا قائلة: "مش لازم نعيش موجوعين وزعلانين، ممكن نروح لإخصائى، أنا خضعت للعلاج النفسى لسنوات وما زلت، وأحبه وأشعر أنه شيء رائع".