”رحلة مرض أبكت المصريين”.. شاهد| حلقة ياسمين عبد العزيز ومنى الشاذلي كاملة | الفن | جريدة الطريق

تصدرت الفنانة ياسمين عبد العزيز، "ترند" مواقع التواصل الاجتماعي ومؤشرات محرك البحث "جوجل"، عقب ظهورها ببرنامج "معكم منى الشاذلي" الذي يجرى عرضه على شاشة قناة "cbc" الفضائية.

ومن خلال هذا الموضوع، نرصد لكم ملخص الجزء الأول من حلقة الفنانة ياسمين عبد العزيز مع منى الشاذلي.

مرض الفنانة ياسمين عبد العزيز

- "كنت داخلة أعمل عملية عند دكتور النسا اللي ولدني في بنتي فأنا عندي أكياس من وأنا عندي 16 سنة، وهي منتشرة عند بنات كتير".

- "عملت العملية دي حوالي 5 مرات وكنت بدخل أعمل العملية.. ومحدش يعرف حاجة عني وأعود لشغلي عادي فأنا تأقلمت على الأكياس والالام بتاعتها بقت صاحبتي وأعيش وأتعايش معها".

- "رحت للدكتور قولتله عاوز أعمل العملية بعد مسلسل "اللي مالوش كبير" ومن قتها مشفتش يوم انبساط وجالي مرتين كورونا ففي شهرين أجريت 4 عمليات منهم عمليتين في يوم واحد وبعدها دخلت في أزمتي الصحية".

- "بعد خروجي من العملية شعرت بألم رهيب وكنت بقولهم "أنا بموت" وخرجت من العملية مش فاكرة حاجة بسبب المخدر والمسكنات التي حصلت عليها بسبب الآلام التي أشعر بها انا ست مش بدلع وحمولة لما بكون بتوجع بيكون إحساس حقيقي".

إصابة قولون ياسمين عبد العزيز

- "بعدها بكام يوم قالولي لو معملتش العملية كمان ساعة هتموتي والقولون اتخرم وجالي تسمم في الدم وعملولي العملية والدكتور عصام شلباية أنقذ حياتي قالي انا داخل اعمل العملية والدنيا بايظة خالص وعارف أن الموضوع كان صعب جدا".

- "بعد ما القولون بتاعي اتخرم وقالولي لو معملتيش العملية كمان ساعة هموت كنت حاسة إني مش هطلع من العملية وقولت لاخويا الكبير "خلي بالك من ياسمين وسيف" لأني فعلا حسيت إني داخلة مش طالعة".

ياسمين عبد العزيز داخل العناية المركزة

- "طلعوني من العملية على العناية المركزة وكان راكب خراطيم في انفي وفمي وبطني وكالونات في رقبتي وجلست في العناية المركزة 5 أيام واللي بيدخولولي كانوا حاسين اني خلاص والدكاترة قالوا ادعولها دي بتعيش اليوم بيومه".

- "أنا في العناية المركزة دخلت على جهاز اللي بيدخل عليه 100 حالة بيعيش 10 منهم فقط وقالوا هي اتحطت على جهاز اللي بيدخل فيه مبيطلعش فمنذ بداية العملية لاخرها أنا في غيبوبة".

- "جالي وقت وأنا في العناية المركزة شعرت إني خلاص وقولتلهم مش قادرة أكمل بسبب الالام والتعب وقولتلهم شيلوا كل حاجة انا خلاص هبقى مرتاحة إني أروح لربنا".

- "الموضوع كان صعب وكنت حاسة إن بكرة مش هبقى موجودة وروحي بتتسحب، وأول مرة أحس بشعور إني خلاص هموت".

أحمد العوضي وياسمين عبد العزيز

- "أحمد العوضي أما نزل بوست مرضي الناس دعيتلي ويوم عرفة كان فارقًا لي والناس كلها دعيتلي وكأن الدعاء كله كان من نصيبي، واتحسنت حالتي ونيفين صاحبتي قالتلي وأنا في العناية المركزة هدعيلك".

- "بعد يوم عرفة طلعت من العناية المركزة في غرفة عادية وردت فيا الروح، من واحدة كنت بموت لواحدة سخر ربنا الناس كلها تدعيلي".

- "الأزمة الصحية التي تعرضت لها خسرت بسببها 15 كليو وكان تحت عيني أسود كأني واحدة تانية في المستشفى".

 - "بعد ما عملت العملية طلعت الغرفة وبدأت أتكلم وأستعيد وعيي، ببص لقيت معدتني والأمعاء برا وسألت إيه ده قالولي إن ده كان لازم يحصل بسبب التسمم".

ياسمين عبد العزيز تتحدث عن الموت

- "أنا مبخافش من الموت بالعكس هو أحسن من الحياة اللى بنعيشها دلوقتي بس كل اللي شاغلني ولادي وأنا بحس إنى خلاص هموت، نسيت كل اللي حواليا وفكرت إنى رايحة لربنا لوحدي".

- "تعرضت لعديد من الشائعات خلال فترة مرضي، منها الوفاة وطلاقي من أحمد العوضي وخضوعي لعمليات تجميل".

- "في سويسرا عملت العملية الرابعة دخلوا الأمعاء جوا بطني، وبعد 3 شهور من مرضي مسكت التليفون وبدأت أبص على كلام الناس".