كنت جثة هامدة وحياتي متوقفة على أجهزة..إيمان الحصري تصف مرحلة العناية المركزة | خبر

وصفت الإعلامية إيمان الحصري إحدى المراحل الصعبة التي مرت بها خلال أزمتها الصحية، وهي مرحلة دخولها العناية المركزة.

وخلال استضافتها في برنامج "صاحبة السعادة" الذي تقدمه الفنانة إسعاد يونس عبر قناة dmc، أوضحت إيمان الحصري أن نقلها من العناية المركزة كان بسبب الحرص على حالتها النفسية، ونرصد تصريحاتها عن هذه المرحلة في السطور التالية:

- في العناية المركزة كان أي حد يشوفني يقول جثة هامدة من كتر التعب، لكن كنت فايقة وشايفة وسامعة كل حاجة، وكانوا بياخدوا قرارات تخصني بالنيابة عني

- حالتي طبيا على الورق كانت كل حاجة بايظة، وكل المؤشرات الحيوية فيها مشكلة كبيرة

- بعد كم العمليات الكبيرة دي إتعمل لي نقل دم وبلازما كتير، الحاجات دي بتحاول تخليني عايشة، بس لا تضمن أفضل عايشة قد إيه

- في المرة دي دخلت العناية ومطلعتش منها قبل 20 يوم، ونقلوني منها عشان حالتي النفسية

- كنت عايشة في قوضة كل اللي بسمعه طول الوقت صوت الأجهزة، وشامة ريحة المستشفى، وكان بقالي شهر قبلها في مستشفى ثانية

- خلال الفترة دي مكنش في أي تدخل جراحي، وده كان أحسن حاجة إتعملت في الوقت ده

- نقلوني قوضة وكان بالنسبالي بهجة إن يبقى في تليفزيون وممكن أبص من الشباك، وأشوف حاجة مختلفة عن الضلمة والبرد

- من الحاجات الصعبة إني كنت مش حرة، وبقائي على قيد الحياة مرتبط بأجهزة، ومش قادرة أتحرك من غير مساعدة

- كان عندي وقت طويل أقعد مع نفسي وأفكر إن عندنا نعم كتيرة الواحد مش شايفها

وكانت الإعلامية إيمان الحصري تعرضت لأزمة صحية قبل عدة أشهر عقب خطأ طبي حدث لها أثناء خضوعها لعملية جراحية.

وفي أول ظهور لها بعد أزمتها الصحية، شاركت إيمان الحصري في تقديم حفل افتتاح طريق الكباش، الذي أقيم بالأقصر يوم 25 نوفمبر الماضي.

لا يفوتك: ظافر العابدين: ذهبت لطبيب نفسي للتحضير لفيلم "غدوة"

زوجة أبو تكشف كواليس تعرض ابنها لحادث بسبب لعبة للأطفال... إصابات بالغة الخطورة

#شرطة_الموضة: هند صبري بفستان طويل بتوقيع مصممة سعودية في افتتاح مهرجان البحر الأحمر

سمير صبري عن عدم تكريمه من مهرجان القاهرة السينمائي: أنا من المؤسسين لكن بينسوني

#شرطة الموضة.. أحلام تضيف عملات ذهبية على فستان زهير مراد احتفالا بعيد الإمارات (صور)

حمل آبلكيشن FilFan ... و(عيش وسط النجوم)