نور التوت يدعم عمر كمال: «صاحبي مقالش حاجة غلط.. سيبونا في حالنا»

دعم مؤدي المهرجانات نور التوت، صديقه عمر كمال، بعد إحالته للتحقيق من قبل نقابة الموسيقيين، برئاسة الفنان هاني شاكر، على خلفية كوبلية «تمور وحليب» خلال حفله في موسم الرياض.

وقال «نور» عبر صفحته بموقع التواصل الاجتماعي «فيس بوك»: «انا مش عارف إيه كم الهجوم على عمر كمال ده! هو قال إيه غلط؟ أو بيتحاسب على إيه، كل ده عشان قال تمور وحليب..؟ تقومو تتهموه انه بيسيء لمصر..! هو ليه دايمًا مطربين المهرجانات بيتعملهم من الحبة أوبا والحاجة الصغيره بتقلب الدنيا».

وأضاف: «عمر مغلطش، عمر بيهزر في الحفلة مع جهوره بالسعودية.. ولأن السعودية مشهورة بالتمور والحليب، فقالها في حفلة عن طريق الدعابة مع الجمهور.. بالله عليكم سيبونا في حالنا احنا لا أذينا حد ولا بنجيب سيرة حد».

واختتم: «محنة وهتعدي يا أبو كمال، وإن شاء الله أحسن يا أبوكمال وربنا يوفقك وتنجح في حفلات تركيا».

عمر كمال يستبدل «خمور وحشيش» بـ«تمور وحليب»

أحيا مؤدي المهرجانات عمر كمال، منذ أيام حفل غنائي تحت شعار كامل العدد ضمن حفلات موسم الرياض.

ونشر كمال فيديو عبر موقع «إنستجرام»، فيديو يظهر خلاله على المسرح وهو يغني مهرجان «بنت الجيران»، وحرص خلاله على تغيير كوبليه «خمور وحشيش» إلى «تمور وحليب».

View this post on Instagram

A post shared by Omar kamal (@omarkamal.official)

وطرح مؤدي المهرجانات، عمر كمال كليب «ضيعنا» مع المطرب الشعبي عبدالباسط حمودة، على موقع الفيديوهات الشهير «اليوتيوب»، وحقق الكليب نجاحًا كبيرًا، ونسب مشاهدات عالية تخطت حاجز الـ7 مليون.

مش محتاجين من حد إعانه

واللي فجيبنا لو كان لينا

لا تاكلها نار ولا حتي سوس

لا القرش علا فيوم مقامنا

ولا خلانا ع الناس ندوس عمر

احنا ملوك النزاهه واسألوأ علينا

بس انت ليه ليه دايما تيبعنا

وانا اعمل ايه يا قلبى ف اللى خدعنى

لا بخلنا يوم علي نفسنا

لو فاكر انت اخر قطعة وجوه قلبى سايب علامة

دنتا فراقك اصلا متعة احب اقولك بالسلامة

غاويين نفرفش مش طالبة نأفش ونرمى هم الدنيا ورانا

الفضل يرجع للى فوق ول أكل عيشنا

العضمة ليها رب يالى بتعظمها

احنا الدلع علاجنا وخدامين مزاجنا

وجيبنا اللى معالجنا واللى مفخم علينا

مخلناش عملنا كل اللى ف خيالنا

وكله بحر مالنا والقرش فيه شقينا

احنا لينا مش علينا ومحدش كاسر عنينا

ياما كتير ف فلوس رمينا رمينا