المحتوى الرئيسى

«منى زكي» عن «كريم عبد العزيز»: رجله على الأرض وشخص معجون بالفن | فيديو

12/01 09:22

قالت الفنانة منى زكي، «إن كريم عبد العزيز معجون بالفن واتولد في عائلة فنية، ومشغول بإسعاد الناس طول الوقت، ومش مشغول بحاجة غير بفنه»، و«حقيقي تحس أنه نفسه يبسط الناس، نفسه الناس اللي حواليه تبقى مبسوطة، ده كشخص، وكفنان بيدور اية اللي شاغل بال الناس، مؤكدة أنه يستاهل جدًا جدًا  تكريمه في مهرجان القاهرة السينمائي الدولي، لأنه فنان كبير وموهوب». 

وأشادت منى زكي، خلال مداخلة هاتفية في برنامج «يحدث في مصر»، الذي يُعرض على قناة «إم بي سي مصر» الفضائية، بالفنان كريم عبد العزيز، الذي قدمته خلال تكريمه بمهرجان القاهرة السينمائي الدولي، إذ وصفته بأنه فنان كبير وموهوب، موضحة أن كريم عبد العزيز يستحق أكثر من ذلك، ولم تتمكن من منحه حقه بسبب رهبة المكان، وخوفها من طول المقدمة،متابعة: «كريم عبد العزيز فنان رجله على الأرض، وحاسس بنبض الناس، إحنا زمايل كفاح، وفيه بينا فعلا إحساس، إنه صديق رحلة حب الفن، عمرنا ما بنقعد مع بعض سواء بنشتغل أو مش بنشتغل، لما بنتقابل إلا لازم نتكلم عن شغلنا، أكتر حاجة بيحب يتكلم عنها هو الفن».

اقرأ أيضا | محمد هنيدي ومنى زكي يستأنفان تصوير «الجواهرجي»

وتابعت الفنانة منى زكي: «كلنا ابتدينا صغيرين أوي مع بعض، أنا بتكلم على جيلنا، بدأنا في سن صغيرة أوي، كلنا كان عندنا شغف بالعمل، مش بدأنا وإحنا بنعمل ده للشهرة، بل شغف بالشغلانة، والدور وتفاصيل شغلنا، التفاصيل بتاع الشغل هي اللي بتعمل العلاقات»، موضحة في الوقت ذاته أنها سعيدة لمشاركة الفنان محمد هنيدي في فيلم جديد «الجواهرجي»: « فاضلنا فيه أيام قليلة ونخلصه، ربنا يسهل يارب ويخلص على خير، أنا أكيد مبسوطة بالتجربة، هنيدي بالنسبة لي وش السعد على جيلنا، وفتح باب لجيلنا، وبنى أدم يجنن ودمه خفيف جدا جدا».

أهم أخبار توك شو

Comments

عاجل