داوود عبد السيد عن فيلم الكيت كات: نجح نجاحًا مبهرًا - اليوم السابع

تحدث المخرج داوود عبد السيد، عن توقعه لنجاح فيلم الكيت كات بعد الانتهاء من التصوير، وذلك خلال ندوة فيلم الكيت كات، والتى يحتفل مهرجان القاهرة من خلالها بمرور 30 عاما علي عرض الفيلم.

وقال داوود عبد السيد: "الكيت كات أنا كنت متوقع الناس يعجبهم الفيلم بس مش شرط تكون حقيقية ولما عملنا الحفلة الاولى كانت فى سينما كريم فى عماد الدين والصالة كانت كلها زحمه طلعت قعدت لوحدى فوق فى الكابينة عشان اتفرج على الناس وهى بتشاهد الفيلم ملقتيش أى ردود قولت إللى أنا عملته مش واصل للناس واتوترت وجالى انطباع قولت الفيلم مش ناجح ومحمود أصيب بخيبة أمل المهم بعد كده الفيلم اتعرض فى إسكندرية وسألت الصالة ايه نظمها ردوا قالوا الفيلم عليه إقبالا شديدا استريحت واستمر النجاح بشكل كبير ونجاحه مبهر وبعد كده أدركت أنى لازم أطلع من حالة التأثر بنجاح الفيلم وقدرت أفكر فى اللى بعديه".

يحتفل مهرجان القاهرة السينمائي الدولي في الدورة 43، اليوم الإثنين، بمرور 30 عامًا على عرضه، حيث يقيم المهرجان حلقة نقاشية حول الفيلم بحضور كل من المخرج داوود عبد السيد، مدير التصوير محسن أحمد، الموسيقار راجح داوود مهندس الديكور أُنسي أبو سيف، والفنان أحمد كمال والناقد محمود عبد الشكور والذي أدار الندوة. 

تستمر فعاليات مهرجان القاهرة السينمائي الدولي، حتى يوم 5 ديسمبر المقبل، مع اتخاذ كل التدابير الاحترازية وفقًا لإرشادات الحكومة المصرية ومنظمة الصحة العالمية، من أجل ضمان سلامة صُنَّاع الأفلام المشاركين والجمهور وفريق المهرجان.