لماذا لم تتزوج نيللي حتى اليوم؟.. «طلبت بس حظي وحش» (فيديو)

06:09 ص | الجمعة 26 نوفمبر 2021\nحقائق لا تفوتك عن نيللي المتفردة بموضة الشعر والملابس قبل تكريمها في «القاهرة السينمائي» «صور»\nمحمد فراج عن نيللي كريم: بتضرب بجد في مشاهد التمثيل وإيدها ناشفة\nنيللي كريم تبكي على الهواء: أمي أنقذت بنتي من الموت (فيديو)\nأبرز تصريحات نيللي كريم في شيخ الحارة والجريئة: قلبت العربية بأخويا وخوفت يقتل جوزي\nوقررت إدارة مهرجان القاهرة السينمائي الدولي، في دورته الـ43، تكريم الفنانة الاستعراضية «نيللي» بجائزة الهرم الذهبي التقديرية.\n«وسط هذه الوحدة ليه بترفضي تشتغلي»، سؤال وجهه الإعلامي عمرو الليثي، للفنانة الاستعراضية والنجمة نيللي، أثناء استضافته لها في برنامج «واحد من الناس» في عام 2017، وردت عليه قائلةّ: «مين قالك وحدة؟ إنت ليه مصمم إن أنا وحيدة، بعيد الشر عليا من الجواز، هاتطلع الحتة البلدي اللي فيا، أنا كنت جاية مبسوطة ليه كدة، أنا بقعد أتكلم مع ربنا كتير أوي، في علامات بتبقى لذيذة أوي، وكل أملي إن ربنا راضي عني، لما والدتي إتوفت في الأول تعبت لما راحت، وجالي شبه إحباط وروحت لدكتور، وكنت أصغر والفراق صعب، ديما بحس اللي بيروح بيبقى في مكان أفضل».\nوسبق وأن وجه الفنان الراحل وائل نور، سؤالا لـ نيللي، أثناء استضافتها في برنامج «ساعة صفا» مع الإعلامية صفاء أبو السعود، بشان عدم زواجها، إذ قال: «الحب والعطاء اللي جواكي قليل إني أتكلم عليه، الحب اللي إنتي محافظة عليه جواكي. إنتي رومانسية جدا، بس مش عارف ليه معندكيش حد في حياتك أو مش مدية فرصة لحد يخترق حياتك، وتفرقي الحب على حد قدامك، مش عارف يا نيللي ليه عايشة كدة لوحدك، نفسي تطلعي الحب لحد، هل ده تقصير منك إنتي ولا من حبك لنفسك أوي، وصعبان عليكي تطلعي شوية حب لحد، ليه متجوزتيش لحد دلوقتي، وفي ناس كتير بتتقدملك لغاية اللحظة دي».\nوجاء رد الفنانة نيللي، على الفنان وائل نور، عن عدم زواجها رغم تقدم الكثيرين لطلب الزواج منها، قائلةً:«أنا حظي وحش في الجواز والحب، بحب الحب أوي، أحلى حاجة في الدنيا مفيش شك ورومانسية جدا، أنا مضايقة إني عايشة لوحدي وبحس بوحدة شديدة رغم إني عايشة مع أمي، لما بقعد لوحدي في أوضتي بحس بوحدة، لكن أنا مقدرش أتجوز من غير حب، لو لقيت الإنسان واللي بيحبني ولايق عليا، لازم قلبي يتحرك، ساعات الواحد يتمنى حاجة ومتحصلش، أنا بتمناها وبطلبها من ربنا كل يوم وهو مش عايز، جايز في وقت هيحصل».\nوأشارت النجمة الاستعراضية خلال الحديث: «مظهرش الشخص اللي أحس إني عايزة ارتبط بيه».