المحتوى الرئيسى

مراد مكرم: الراجل المصري متربي على المسؤولية وشيل الهم - E3lam.Com

10/24 13:55

استنكر الفنان مراد مكرم، الصورة التي أصبح الرجل المصري معروف بها للعالم، وهي أن أكثر المصريين لا ينفقون على زوجاتهم وأبنائهم، ويتهربون من المسؤولية، نافيًا أن يكون ذلك الوصف شائعًا لأن المصري تربى على المسؤولية.

قال “مكرم” عبر منشور له على حسابه الشخصي على موقع التواصل الاجتماعي “فيس بوك”: “معلش استحملوني شوية علشان بجد فاض الكيل… مش كل الرجالة أنطاع، مش كل الرجالة مفخدة والستات بتصرف عليهم… مش كل الرجالة بيتهربوا من مسؤولياتهم… ولا حتى الغالبية”.

أضاف: “المشكلة إن الستات اللي متجوزة رجالة بجد ما بيعلنوش عن ده لأنه الطبيعي أو لأنهم خايفين من الحسد، إنما البي متجوزين أو متطلقين من الذكور ماليين الدنيا صراخ، فبقت الصورة المتصدرة للعالم إن الرجل المصري أنتيخ وعالة… حرام عليكم”.

أردف: “غالبية الرجالة المصريين مطحونين علشان يوفروا حياة كريمة لولادهم، غالبية الرجالة المصريين متربيين على المسؤولية وشيل الهم لأنه جزء من تكوينهم، ومعظمهم ما بيسمعش حتى كلمة شكرا بحجة إنه واجبكم”.

مستطردًا: “نسبة كبيرة من الي ما بيصرفش على ولاده مثلا في حالات الطلاق، بيبقي عند مش أنتخه.. ما بقولش إن ده صح، بس برضه الستات فيه منهم بيقوم بأفعال تغيظ، اصرف بس ما تشوفش ولادك غير بمزاجي، اصرف بس مالكش دعوة بتربية العيال مش عجباني تربيتك أومال اتجوزتيه ليه”.

تابع: “كل راجل حسب تربيته و ماتنسوش ان الي مربياه ست زيكم… لو فيه حسب الإحصائيات ٣٠% من البيوت بيعولها ست، ففي ٧٠% بيعولها راجل، يعني الغالبيه العظمى، وما تنسوش برضه اننا مجتمع يعتقد إن الراجل في الأصل عليه كل حاجه… وده مش موجود بره طبعا وبالتالي ما بنسمعش عن ستات بتولول لأن في الأصل الحياة عندهم مشاركة و كله بالنص”.

اختتم حديثه قائلًا: “رفقا بالرجالة يا جماعه، فيه منهم شايل جبال ما يحتملهاش بشر.. الله يرحمك يا أبي، رغم كل خلافاتكم كنت راجل ومهني امي، الي ماشتغلتش يوم في حياتها”.

أهم أخبار مصر

Comments

عاجل