زي «ابن ذات» حكاية «سيؤدور» طفل مصري مبيعرفش يتكلم عربي: «كله إنجليزي»

11:12 ص | الخميس 21 أكتوبر 2021

متلازمة نادرة تصيب طفلا.. ووالدته: ابني اتولد بنقص في الأطراف

أينشتاين وطفل بلا وجه.. متلازمة نادرة تصيب "يوسف" ووالدته تبتكر قصة لدمجه

بالصور| متلازمة نادرة تجمع زوجين تمنعهما من الابتسامة وتحريك أعينهما

بالصور| رضيع بدون عضلات بطن.. والسبب متلازمة نادرة

ربما بقاء الطفل لساعات طويلة، داخل غرفته منعزلًا مع عالم أفلام الكارتون كان سببًا لتأثره باللغة، وفقًا لما أكدته سارة زايد، شقيقته الكُبرى: «لما سيؤدور اتولد، كنت أنا في ثانوية عامة، وأخويا كمان التاني أكبر منه بـ10 سنين، فطبيعي كنا منشغلين بالدراسة، وسبناه للكارتون يتسلى فيه».

تلعثم الطفل في البداية، كان للأسرة أمرا بديهيا كأي طفل صغير، قبل أن يتطور الوضع إلى أزمة: «كان بيتهته شوية، قولنا عشان هو طفل صغير مش عارف يتكلم أوي، لحد ما بقى كلامه كله إنجليزي، مش عارف العربي، ولا قادر يتعامل معاه من وهو 4 سنين».

احتمالية معاناة الطفل من التوحد، طرأت على ذهن الأسرة وبادرت لاتخاذ خطوات علاجه، إلا أنها اكتشفت أنه لا يعاني من التوحد: «هو مش منعزل، بالعكس بيتعامل معانا، ولما راح المدرسة عمل صحاب، واتعامل واتكلم معاهم عادي، والدكاترة أكدوا أن مفيش توحد». 

رسوب الطالب «سيؤدور»، في مادة اللغة العربية، عرضه للكثير من المضايقات والتنمر من الطلاب والمُعلمين: «حتى المدرسيبن بيستهزقوا بحالته، ومش فاهمين أن ده وضع خاص، خصوصًا إنه بيسقط في العربي، لأنه مش فاهمه، ولا عارف يتعامل مع المادة».