المحتوى الرئيسى

فيفي عبده: عبد الحليم حافظ كان هيتسبب في طلاقي - E3lam.Com

09/18 01:46

نورهان عبد الرحمن

تحدثت الفنانة فيفي عبده، عن السبب الذي دفع زوجها للغيرة عليها من الفنان الراحل عبد الحليم حافظ.

قالت “عبده” خلال لقائها في برنامج “السيرة” المذاع على شاشة ” DMC” مع الإعلامية وفاء الكيلاني، إنها كانت تقيم في إمبابة ولكنها أرادت الانتقال إلى حي الزمالك لأنها منطقة تجمع الفنانين حيث كانت تعيش هناك الفنانة سعاد حسني والفنان عبد الحليم حافظ وأم كلثوم ورشدي أباظة، وغيرهم.

أضافت: “كنت عاوزة أروح أقعد هناك زي الفنانين خدت شقة بـ 150جنيه في الدور الخامس ده كان بالنسبة لي حاجة حلوة جدا”، مضيفة “واتجوزت بقى، كان جوزي عنده اجتماع فوق في الشيراتون وقعدت أستناه مع مدير أعماله تحت على ما يخلص الاجتماع فوق ودخل الكافيتريا عبد الحليم وكان معاه شفيق جلال لقيت عبد الحليم بيقولي (تعالي يا بنتي بيقولوا انك رقاصة شاطرة أوي)”.

وأوضحت: “عبد الحليم ده حلم كل بنت ده يوم مات انتحروا ناس عشانه وراح واخدني من إيدي ودخلنا جوا الكافتريا نزل جوزي لقاني قاعدة مع عبد الحليم بعيد عنك بقى قامت قيامته بقى عشان قاعدة مع عبد الحليم، مؤكدة: “لأ مطلقناش لكن كنت هطلق والسبب إنه جه لقاني قاعدة مع عبد الحليم”.

وبالحديث عن حبيبها الهندي قالت: “اتعرفت عليه في لندن وقالي انتي مصرية قولتله أيوة مصرية وقالي إنتي ملكة (خدني إني ملكة بالنسبة للجمال والسمار والطول المصري)، ولما عزمني عزمني على الهند وروحت الهند، وكان يقرأ الكلام في القاموس بالعربي وأنا أرد عليه كان مسميني مولاتي يعني الأميرة فكان يقولي أنا لازم أجي مصر”.

وبحديثها عن أغرب عادات الشعب الهندي قالت: “لما تمشي تلاقي بقرة تلاقي كل العربيات وقفت لحد لما البقرة تمشي، ممنوع تمشي بالعربية والبقرة نايمة في الأرض مش عارفة إذا كان هو بيقدس البقرة ولا لأ”.

وأكملت “ماشية يلا جت رزقك يا فيفي في الهند، ماسكين الصاجات وماشيين أتاريهم الميت على (السبت) زي (سبت العيش) عندنا هما هناك بيشيلوا الميت على الخشب ده وحاطين عليه الورد رايحين يحرقوه باين وأنا معرفش أنا فكرت بقى زفة قولت ياه يا فيفي ده إنتي بختك مسابقك في كل حته”.

على صعيد آخر، تعرضت فيفي عبده، مؤخرًا لهجوم شديد من الجمهور بعد نشرها صورة لها بملابس صيفية وهي في الساحل الشمالي، خاصة بعد وفاة الفنانة دلال عبد العزيز، حيث نشرت عبر حسابها الرسمي على موقع “إنستجرام” صورة لها في الساحل الشمالي بملابس زاهية معلقة: “يا مساء الفل من الساحل الشمالي أنا زعلانة وقلبي بيوجعني وربنا اللي عالم”.

أهم أخبار فن وثقافة

Comments

عاجل