إعلامية للرجال : روحكوا مرتبطة ببعض.. لما أقولك يا روح أمك ما تزعلش | المصري اليوم

في رسالة موجهة للرجال كتبت الإعلامية إيمان عز الدين عبر صفحتها الشخصية على موقع التواصل الإجتماعي «فيسبوك»: لما أقولك يا روح أمك ما تزعلش لأن روحك وروحا بيبقوا مرتبطين من أول لحظة ليك في أحشائها.. ولما أقولك وحياة أمك أنا كده بحلفك بالغالية يعني برضه ماتزعلش«.

إيمان عزالدين تخرج من غرفة العمليات بعد جراحة لـ5 ساعات (صورة)

إيمان عزالدين للسيدات: «راجلك اختيارك ولازم ترضي به تجنبًا لـ3 سيناريوهات»

إيمان عزالدين تعلن رحيلها عن قناة الحياة

ونشرت إيمان عز الدين على صفحتها الشخصية هذه الرسلة ليتفاعل معها مئات الأصدقاء والمتابعين ما بين مؤيدين ومعارضين، وكانت غالبية الفريق الخير من الرجال لإعتقادهم أن «رسالة إيمان» تقليل من شأنهم وليس كما قصدت أنها «حقيقة علمية قبل أن تكون إجتماعية»- على حد قولها في التعليقات-.

ونصت رسالة الإعلامية إيمان عز الدين المنشورة على صفحتها الشخصية على :

إنت زعلت ؟...طيب لييييه ؟

مفيش اختلاف على ان أمك دى أغلى حد في حياتك وانت طبعا كل حياتها، لأن من لحظة ما بتكون جنين،

قلبها وروحها واحساسها بيتعلقوا بيك .

و بعد ما تخرج للنور ....

بتكون انت قلبها اللى بيمشى على الأرض، لو إتأذيت أو تعبت أو حزنت، قلبها بيوجعها عليك، ومع كل خطوة في حياتك نبضة أمل بتدق في قلبها تفرحه ....

روحها وروحك مرتبطين من لحظة وجودك في أحشائها وبيفضل الارتباط ده موجود للأبد، وده اللى بيخلى الأم تحس بإبنها وهو بعيد إذا كان بخير وللا مهموم ،

نظرتها للحياه كلها بتتغير أول ما عيونها تلمحك وتبدأ تشوف العالم وتعيد إكتشاف الأشياء من خلالك وتبقى انت النور اللى بيهديها ويدلها على الطريق.

حياتها كلها من أول يوم بتكون مسخرة ليك يعنى عايشة علشانك، بتتحمل وتصبر وتتعب علشانك، ومفيش حد في الدنيا يتمنى إنك تكون أحسن منه غيرها، علشان كده لازم تفضل تحلف بحياتها طول عمرك ،