خبر ابيض | تامر حسني يعقد جلسة صلح بين دياب ونصر محروس : الخلافات انتهت

أعلن تامر حسني منذ ساعات قليلة، أنه تمكن من حل الخلاف بين دياب والمنتج نصر محروس، بعد أزمة دارت حول عقد دياب الذي ينص على طرح 8 ألبومات خلال 8 سنوات.

ونشر تامر مقطع فيديو عبر حسابه الشخصي على إنستجرام، أوضح من خلاله أنه نجح في الصلح بين دياب ونصر محروس، وعلق قائلًا : الحمد لله ربنا قدرني أكون سبب في صلح أخويا وحبيبي دياب على أخويا الكبير المنتج اللي قدمني وقدم أجيال كتير لمصر الأستاذ نصر محروس، وتم الصلح في منزله وتغاضى عن كامل الشرط الجزائي الواقع على الفنان دياب.

وأضاف : دي لفته حقيقي مفيش منتج ممكن يعملها في الزمن ده، شكرًا أستاذ نصر، شكرا إنك كبرت لي ومردتليش طلبي، ووقفت بجانب دياب لأنه شاب ولسه في أول حياته.

ومن جانبه علق نصر محروس على كلام تامر حيث قال : أنا اللي بشكرك يا تامر وبشكر ربنا عليك وأنا فخور بيك كأخ ليا، وبفتخر بيك كأكبر فنان في جيلك، وتابع : أنا مقدرش يا تامر أرفض لك طلب، وطبعا دياب أخويا الصغير اللي بتمناله كل خير ونجاح.

A post shared by Tamer Hosny (@tamerhosny)