ساندرا نشأت: أحمد زكى كان مرشحنى لدور جيهان السادات قبل منى زكى - اليوم السابع

حلت المخرجة ساندرا نشأت، ضيفة في برنامج "its show time" للإعلاميتين مها الصغير ودينا حويدق المذاع على قناة Cbc، تحدثت عن بدايتها قائلة: "بدايتى كانت من خلال الأفلام القصيرة وفيديو كليبات الأغانى زى فاكرك يا ناسينى لمحمد فؤاد وأصعب حب لخالد عجاج، لأنى كنت دايما بحب الأغانى أكنها فيلم قصير ولو مكنتش لقيت فكرة أعمل بيها الأغنية مكنتش هعمل، وبعد كده دخلت السينما.\n\nوأضافت ساندرا نشأت: "كل الأفلام الأبيض وأسود أثرت فيا وهى اللى خلتنى أدخل قسم الإخراج، وكان من أبرز المخرجين اللى تأثرت بهم باختلافاتهم بركات وفطين عبد الوهاب وصلاح أبو سيف وغيرهم".\nوعن عدم خروج فيلم "الليل وأخره" للنور قالت ساندرا نشأت: "محدش رفض الفيلم من الممثلين وعرضناه على أحمد زكى بس كان بيعمل فيلم تانى وقالى لما يخلصه هنعمل الفيلم، وقلنا نشوف محمود عبد العزيز بس كان بيعمل حاجة وقتها برده، وانا كنت مستعجلة فقلنا يحيى الفخرانى يعمله ولكن وقتها كان في مشاكل إنتاجية لأن المنتج كان مشغول بفيلم تانى وقال لما يخلصه، ويحيى الفخرانى وقتها قالى تعالى نعمل فيل "مبروك وبلبل"، وعملته معاه وقتها".\nوعن ترشيح أحمد زكى للتمثيل لفيلم معه قالت ساندرا نشأت: "أحمد زكى كان بيعمل وقتها فيلم السادات ورشحنى انى أعمل دور جيهان السادات، وقالى هنعمله وفضل الفيلم يحضروا فيه لمدة سنتين وانا كنت اشنغلت بعد كده ولو انى لو فكرت كان ممكن أعمل الدور لأن مشاهدها مش كتيرة، بس منى زكى عملت الدور حلو أوى".