نصيحة السيسى لـ«عسكرى»: «اطحن نفسك ولا تخلِّى حد يغلبك» (فيديو) | المصري اليوم

وجّه الرئيس عبدالفتاح السيسى رسالة إلى عسكرى بمرور مطروح، يُدعى «أيمن»، ٢٩ سنة، خلال جولته فجر أمس، بالدراجة، قائلًا: «اطحن نفسك وماتاكلش وماتنامش ولا تخلِّى حد يغلبك أبدًا».

السيسي يتبادل الحديث مع مجند : «أنا زي أبوك.. خليك دوغري وقولي عاوز إيه؟» (فيديو)

السيسي يتابع الموقف التنفيذي والإنشائي لمدينة الفنون بالعلمين الجديدة

ودار حوار بين الرئيس السيسى وعسكرى المرور خلال سيرهما بالدراجة قائلًا: «بتشتغل إيه يا (أيمن؟)»، فرد عليه الشاب: «عندى مكتبة مأجّرها بـ٣٠٠ جنيه، والمكتبة دى على القد، وفيه ناس جنبى كبار»، ورد عليه الرئيس السيسى: «إنت لسه صغير، وإن شاء الله تخلص الجيش فى شهر إبريل اللى جاى». وسأله السيسى: «لو المكتبة اللى عندك دى عايز تاخد واحدة أكبر منها تبقى بكام فى الشهر؟»، فرد عليه الشاب: «هيبقى إيجارها بـ٣ آلاف جنيه فى الشهر، بس هتبقى فى مكان كويس وتكسب أكتر لأن المكتبة اللى أنا واخدها دلوقتى إيجارها بـ٣٠٠ جنيه فى الشهر، والناس الكبار اللى جنبى مابيخلوش الصغير يكبر»، ليرد عليه الرئيس السيسى: «عيب هزعل منك، وأقولك أنا أطحن نفسى وما أكولش ومانامش ولا حد يغلبنى أبدًا وأبقى جامد وقوى». وتابع الرئيس: «هو الشاب الصغير أكل وشرب بس؟!!، لا ده تعليم وتواصل وأكل وشرب عشان يطلع متربى كويس، إزاى تقدر توصّل ده عشان ماتقولش الظروف صعبة؟!».

وخلال حوار السيسى والشاب عرف منه أن أصوله من محافظة المنوفية بمركز أشمون، حيث طلب منه الشاب وظيفة مستقرة عقب انتهاء فترة التجنيد، وسأله السيسى قائلًا: «خليك دوغرى يا (أيمن)- المنايفة دول أنا عارفهم كويس، خاصة بتوع أشمون- وقولى عايز إيه»، ليرد الشاب ضاحكًا: «أنا والدى من المنوفية، بس أنا مولود فى العامرية بالإسكندرية».