شقيق ياسمين عبد العزيز يرد على إدعاءات ابنة محمد حلاوة: ياريت نراعي العشرة والسنين | خبر

علق الممثل وائل عبد العزيز على المنشور المنتشر لليلى حلاوة ابنة رجل الأعمال محمد حلاوة التي تتهم فيها الفنانة ياسمين عبد العزيز بخطف والدها منهم.

نشر وائل عبد العزيز صورا من عيد ميلاد "سيف" ابن ياسمين وحلاوة، وعلق كاتبا عبر حسابه بموقع Facebook: "حق الرد علي موضوع الاستاذه المحترمه بنت الناس المحترمين .. يا استاذه ليلي ده عيد ميلاد سيف ابن اختي وكان بعد طلاق ياسمين بمده طويله بحضور صحاب كتيره وشهود علي وجودك انا بقي مش عارف هو حضرتك كنتي فرحانه في الصور معانا عشان فرحتنا وبتحبينا زاي ما كنتي طول عمرك بتقولي والا لرجوع والدك الي احنا خاطفينه منك الصراحه

ولو ياسمين بتحاربك طوال ال ١٧ سنه جايا ليه بعد الطلاق تسانديها انتي جوز حضرتك ..

ياريت نراعي العشره والسنين ونراعي ان الطرفين متجوزين حاليا ونقفل علي كده لان انا الي هرد مش هيا خالص .. هو انا مش فاهم الحقيقه ليه كل الهجوم ده عليها وهيا لحد الان مغلطتش في اي شخص باي شيء .. شيء غريب فعلا

عموما عفا الله عما سلف".

وكانت ليلى حلاوة كتبت هبر خاصية Stories على تطبيق Instagram: "إوعي تدّعي حاجة مش فيكي أنت عمرك ما كنتي كويسة مع حد.. إنتي اللي خطفتي بابانا مننا من 17 سنة، وكانت أمي على ذمته وحاولتي طول الـ17 سنة تقطعي علاقتنا ببابانا وحاربتينا وأذتينا كتير.. الناس العادية مش عارفة حاجة بس الناس اللي حوالينا عارفين كل حاجة.. ياريت تبطلي أذى بدل ما نعرف الكل.. انتي اللي قاطعانا عن إخواتنا من يوم ما اتولدوا وكفاية اللي عملتيه في شرم الشيخ من شهر معايا قدام الناس كلها.. عيييييييييييب وكفاية وبطلي تظهري بصورة مش حقيقتك".

يذكر أن الأيام الماضية شهدت مناوشات بين ياسمين عبد العزيز وبوسي شلبي عبر مواقع التواصل الاجتماعي، وازدادت حدة الأزمة بعد استضافة الأخيرة للفنانة ريهام حجاج، لتتحدث عن زواجها من رجل الأعمال محمد حلاوة، الزوج السابق لياسمين عبد العزيز.

وشاركت ياسمين عبد العزيز في رمضان 2021 في بطولة مسلسل "اللي مالوش كبير" من تأليف عمرو محمود ياسين، إخراج مصطفى فكري، بطولة أحمد العوضي، خالد الصاوي، دنيا عبد العزيز، دينا فؤاد، محمود حافظ ومحمود ياسين.

القبض على "تفاهة" أحد أطفال "بلية ودماغه العالية" لاتهامه بالاتجار في الهيروين

#شرطة_الموضة: ريهام حجاج بفستان سواريه أنيق لكن المبالغة في المجوهرات تفسد الإطلالة