«حنين حسام» تثير الجدل ببكائها.. المتابعون: «مفيش ولا دمعة نزلت» و«سيبوها في حالها»

07:09 م | الثلاثاء 22 يونيو 2021\nفلاش باك.. الفيديو المتسبب في الحكم على حنين حسام: افتحي الكاميرا من أوضتك\nحنين حسام قبل القبض عليها تظهر بـ«كانيولا»: أمي بقى عندها هاجس بتنادي عليا وتحضن الهوا\nحنين حسام: خدت فلوس على فيديو «افتحي الكاميرا» وكنت بشغل البنات باحترام (فيديو)\nحنين حسام.. ملامح من حياتها الشخصية: بتدخل وتخرج من منطقتها الشعبية بأوبر ومش بتختلط بحد (صور)\nوظهرت حنين حسام، وهي تبكي قائلة «أنا اتدمرت بكل معاني الكلمة، إنا لله وإنا إليه راجعون، لو بنتك اتظلمت معملتش حاجة عشان عشر سنين من حياتها تضيع ولا عشان مستقبلها يضيع، أنا معملتش حاجة والله ما عملت حاجة». \nورغم حالة الانهيار التي دخلت فيها فتاة التيك توك، في مقاطع الفيديو قبل القبض عليها، أثارت أيضًا الجدل، باختلاف التفاعل معها ما بين المهاجم لها وطريقة بكائها «دي بتمثل، هو ليه مفيش دموع نزلت، دي مفيش أي دمعة نزلت الميه قاطعة عندكم، هو إيه العياط اللي من غير دموع ده، شكلك باين أوي إنك بتمثلي».\nلكن أيضًا تفاعل معها متابعوها متعاطفين معها «حرام عليكم سيبوها في حالها، حسبي الله ونعم الوكيل في اللي بيشمت فيها، اللي عنده كلمة كويسة يقولها واللي معندوش يسكت».\nوكانت محكمة جنايات القاهرة، عاقبت حنين حسام ومودة الأدهم وآخرين، في اتهامهم بالاتجار فى البشر، بالقضية المعروفة إعلاميًا بـ«بفتيات التيك توك»، حيث قضت بمعاقبة حنين حسام غيابيًا بالسجن المشدد 10 سنوات، وتغريمها 200 ألف جنيه، وباقي المتهمين حضوريًا بالسجن 6 سنوات وتغريم كل منهم 200 ألف جنيه.\nوفي صباح اليوم، تم القبض على حنين حسام، لتنفيذ الحكم الصادر ضدها بالسجن المشدد 10 سنوات وغرامة 200 ألف جنيه.