المحتوى الرئيسى

«س وج».. نص أقوال أحد شهود قضية «القس سمعان» بعد إعدام القاتل

06/22 10:14

نُفذ حكم الإعدام، أمس، على المتهم «أحمد سعيد إبراهيم السنباطي» في قضية «قتل القس سمعان» رقم 30080 جنايات لسنة 2017 بالمرج، التي حدثت في أكتوبر 2016 في المرج، وخلال سير التحقيقات، أدلى أحد شهود الإثبات في القضية  بتفاصيل شهادته حول ما أبصره في أثناء ارتكاب الواقعة، وتنشر «الوطن» نص أقواله خلال التحقيق معه.

أدلى المتهم باسمه كاملاً ومحل إقامته، كالتالي: «اسمي عاطف كمال فؤاد بطرس، 48 سنة، وأعمل حداد بورشة حدادة، بكفر أبو صير، ومقيم 1 شارع محمد رزق من شارع الشونة – بيجام – القليوبية»، ثم حلف اليمين، وعقب انتهاء الأسئلة وقع عليها شاهد الإثبات، وجاءت نص الأقوال كالتالي:

س/ ما صلتك بالواقعة محل التحقيق؟

ج- أنا شوفت اللي حصل ومعرفش لا اللي ضرب ولا اللي اتضرب؟

س/ هل شاهدت واقعة التعدي على المجني عليه وإحداث إصابته التي أودت بحياته؟

س/ وما هي معلوماتك بشأن الواقعة محل التحقيق؟

ج- اللي حصل إنّي كنت نازل على السلم اللي عند نفق «أبو صير» اللي حصلت عنده الواقعة عند الدائري، وأنا نازل سمعت صوت ست واقفة فوق على الدائري وبتصرخ وتقول الحقوه للحقوه هيقتله هيقتله، وبتشاور ناحية قسيس ماشي تحت في الشارع تحت الدائري، قدام معرض بتاع لودر، فبصيت لقيت واحد كاهن لابس لبس الكهنوت الأسود وفي وشه واحد تاني لابس جلابية فسدقي أو رمادي وماسك في إيده سكينة كبيرة وبيضرب بيها الكاهن في بطنه، ولقيت الكاهن زقه وجري ناحية مخزن السلام بتاع الحديد والراجل التاني بيجري وراه وشوفته بيضربه ضربه تانية في ضهره على باب المخزن وبعد كدا دخلوا الاتنين جوا المخزن، وبعد كدا بأقل من دقيقة لقيت الراجل اللي كان بيضرب الكاهن خارج من المخزن، ودخل شمال في اتجاه مؤسسة الزكاة، وماسك في إيده السكينة وبيجري وناس طلعت تجري وراه، دا كل اللي أنا شوفته.

س/ ومتى وأين حدث ذلك؟

ج- الكلام دا حصل يوم الخميس 12 أكتوبر 2017 حوالي الساعة 10 الصبح في شارع السلمانية الموازي للطريق الدائري في «أبو صير» بالمرج.

س/ ما سبب ومناسبة تواجدك بالزمان والمكان سالف الذكر؟

ج- أنا كنت راكب عربية ميكروباص ونزلت على الدائري فوق نفق أبو صير، وكنت نازل على السلم من الدائري متجه لعملي في المنطقة دي.

س/ من كان برفقتك آنذاك؟

س/ ما هي الفترة الزمنية التي استغرقها تواجد المتهم بداخل المخزن محل الواقعة عقب دلوفه إليه؟

ج- هو قعد أقل من دقيقة.

س/ وما التصرف الذي بدر منك آنذاك؟

ج- أنا جريت دخلت المخزن عشان أشوف الكاهن إيه اللي حصله.

س/ وما هي الحالة التي شاهدت المجني عليه آنذاك؟

ج- أنا لقيته مرمي جوة المخزن على الأرض على ضهره ووشه غرقان دم ومتعور في قورته وبطنه، وكانت مصارينه خارجه من بطنه.

س/ وهل كان المجني عليه على قيد الحياة آنذاك؟

ج- هو أنا لما دخلت عليه عينيه كانت بتترعش بسيط ومكملش 3 دقايق ومات.

س/ وهل دار أي حوار فيما بينك وبين المجني عليه أو بين أي شخص وبين المجني عليه آنذاك؟

ج- لا هو كان ساعتها بيطلع في الروح ومتكلمش أي كلمة.

س/ وهل تناهى إلى سمعك ترديد مرتكب الواقعة لأي عبارات؟

ج- لا أنا مسمعتوش بيقول حاجة.

س/ وما هو قصد المتهم من التعدي على المجني عليه وإحداث إصابته التي أودت بحياته؟

أهم أخبار حوادث

Comments

عاجل