بعد تصريحات سميرة عبدالعزيز .. فريدة سيف النصر تدافع عن محمد رمضان - محتوى بلس

قامت الفنانة فريدة سيف النصر، بالدفاع عن الفنان محمد رمضان، وذلك بعد تصريحات الفنانة سميرة عبد العزيز، التي اتهمته فيها بالإساءة لها ووصفها بالشحاتة، وذلك بعدما رفضت تجسيد دور والدته في مسلسل تليفزيوني.

وكتبت فريدة سيف النصر منشور على الفيس بوك، تحت عنوان كلمة حق ل رمضان، حواديت حصلت قدامي، وقالت محدش يقوللي هتخسري جمهورك وانصحك ماتدافعيش عنه، نصيحة مايعلقش أحسن عشان لا انت ولا غيرك هاتنفعني يوم وقفة الحق.

وأضافت الساكت عن الحق شيطان أخرس وكتم الشهاده نار تقيد في القلب تسوده، عنده عيوب اه لكن متربي واللي بيحترم ابوه وأمه بيحترم الكبار، ولا حد يقوللي بتطبلي له والسبوبة خلصت، يا بني الشغل اللي انا اشتغلته مع كل النجوم الكبار يخلليني أكره واحتقر الوسط واللي بيحصل فيه دلوقتي، فـ مش عايزه تعليقات كلها هري وبس.

واستكملت كلامها وقالت، الناس اللي بتغير وتكره الخير للناس يتشالوا ويتحطوا من غير ما يؤذي حد، ده ليه لأننا مختلفين، كل الدنيا العالم الناجحين اوي بيفرحوا لهم احنا لأه يردحوالهم.

وأشارت بأن محمد رمضان غلطان في حاجات كتير ماشي من وجهة نظرك، بس هو شايفها صح هو حر زي ما انت حر، في حاجات من غير قصد والناس حواليه مابتاخدش بالها تدفع حاجاته في وقتها الشغل لاهيهم فانلاقيه كل شويه حد يسب فيه ده عيب في ادارته او جايز حد قاصد ولا تعلم.

ووجهت كلامها للفنانة سميرة عبد العزيز، وقالت يعني كتمتي في قلبك 6 سنين، وبعدين دي مش شغلته ان حد يرفض دور فا يتقهر ويكلمه يردح له، يعني حتى لو حصل اشمعني دلوقتي ياحاجه لاحول ولا قوة الا بالله العلي العظيم.

ورد عليها الفنان محمد رمضان، وقال حبيبتي الغالية صاحبة أطيب قلب.

© 2020 محتوى بلس يتم إدارته و تطويره بواسطة