عمرو أديب عن عيد الأب: "الوالد هو اللى بيطفح الكوتة ومحدش بيجيب سيرته" - اليوم السابع

علق الإعلامى عمرو أديب، على الاحتفال بعيد الأب اليوم، قائلا: "الأب ديما محدش بيجيب سيرته والعالم اليوم يحتفل بيوم الأب، وكل الهدايا للأم وهذا حق، لأن الأم هي اللي جابتك وشالتك 9 شهور".

وأضاف أديب، خلال تقديمه برنامج "الحكاية": "الأب هو اللي بيطفح الكوتة عشان حضرتك تبقى بنى آدم وله دور لأنه بيصنع منك شخصية، الأم تغذى وتدى مبادئ لكن الأب وشخصيته لها رونق ووجود، والأب مش ديكور، ولولا الأب ما كان الابن، مش محتاجة أثبتها وانتو عارفين ازاى طبعا".

وتابع أديب: "الأب هو اللى بيجرى على أكل العيش، ودي مسألة مش سهلة، ناس تستحق كل تقدير، وأرجو من الأبناء زي ما بيعملوا مع الأمهات يقولوا كلمة حلوة لآبائهم، وكل أب وهو طيب".