تميم يونس بعد حديث طليقته: أنا رافع رأسي ومتشرف باللي وصلتله

11:45 ص | السبت 19 يونيو 2021

تميم يونس وطليقته ندى عادل

سمية الخشاب تهاجم تميم يونس بسبب طليقته: المغتصب بيبقى مجرم

طليقة تميم يونس من هي؟.. اتهمته بالاغتصاب لمدة عام كامل «صور»

بعد اتهامها له بالاغتصاب الزوجي.. شاهد صور زفاف تميم يونس وندى عادل

بعد تصريحات طليقة تميم يونس عن الاغتصاب الزوجي.. حكم الدين في القضية

وقال المطرب تميم يونس، «لكل الناس المستفزة إني بدي نصائح هفضل أعمل كدا لأن دا بيفيد ناس.. بعيدًا عن الناس اللي بتتصيد حتى لو دا هيكلفني إني أدخل في مشاكل وحوارات وأخسر فولورز برضو هعمل كدا ومش هبطل لغاية ما ربنا يفتكرني».

وتابع «تميم» في مقاطع الفيديو التي نشرها عبر خاصية «ستوري»: «أوعدكم هفضل صادق على قد ما أقدر.. وعمري ما ههرب من أي مواجهة.. ومحدش هيقدر يضايقني أو يعطلني.. والحمد لله يارب عندي ناس مهمة في حياتي قليلين كفاية جدا بالنسبالي.. ونسيت أقول أهم حاجة قد إيه أنا فخور بنفسي وفخور بالحتة للي وصلتلها رأسي فوق.. ومتشرف بمعرفتي لنفسي».

واستطرد المطرب الشاب حديثه عن نفسه «وليه أنا مبسعمش الكلام بالذات من الناس القريبة منى اللي بيقولولي اقعد ساكت ومتتكلمش.. عشان اكتشفت أن لو في حاجة عاوز أقولها أخبيها ليه؟»، متابعًا «أنا مش كبير على إنى اتأسف لما بغلط وحاجة عملتها مليون ألف مرة وكل الناس القريبة مني عارفة الموضوع دا.. ومفيش حاجة اخبيها».

ووجه المطرب تميم يونس، بعد ذلك حديثه للصحفيين وما ينشر عن حديث طليقته، «دا محصلش ومش هيحصل وأنا أول مرة أسمع عن حاجة زي كدا.. وأنا زي زيكم بالظبط وعيلتي أول مرة تسمع حاجة زي كدا ومش هاخد أي إجراء قانوني لغاية ما يكون في تهمة واضحة وصريحة.. وبشكر كل الناس على الدعم الرهيب اللي أنا مكنتش متخيله».