كلمات أغنية "لو كنت" لـ أكرم حسني وهيفاء وهبي - E3lam.Com
طرح الفنان أكرم حسني، فيديو كليب أغنيته الجديدة “لو كنت” التي يقدمها مع الفنانة اللبنانية هيفاء وهبي، عبر قناته الرسمية على موقع يوتيوب.
أغنية “لو كنت” من كلمات وألحان أكرم حسني، وتوزيع توما والكليب إخراج حسام الحسيني.
جاءت كلمات الأغنية كالتالي:
لو كنت أرنب كان أكيد هيبقى الفيل صديقي
لو كنت مجلة كنت هاكون سمير مش هبقى ميكي
لو كنت خاتم طبعا كنت هاتألمظ عليكي
لو كنت جبل طارق أنا كنت سألتك عن مضيقي
لو كنت مسابقة كنت هبقى مسابقة اختيار ملكات جمال واشوف بنات جمال وهناك أنا هاشتكيكي
لو كنت كتاب أنا كنت هبقى كتاب عن الجمال
لو في سؤال عن الدلع انا إجابة السؤال
لو كنت سكة هكون يمين أنا عمري ما أكون شمال
معادلة صعبة وحلها محتاج ألف احتمال
لو كنت لعبة كنت هبقى عروسة باربي لابسة بمبمي أما قلبي عمره ما يلعب بيه عيال
لو كنت يوم وفات كنت ابقى يوم تلات
مش عايز أكون كلام أنا عايز أكون سكات
لو كنت هبقى حاجة مهمة من الحاجات
أنا هبقى سمايلي فيس مكشر في جروب أمهات
لو كنت قطة حلوة كنت هبقى أكيد سيامي
لو كنت حي اسكندراني كنت اختار ميامي
لو كنت فلفل أحمر كنت هبقى قرن حامي
لو كنت بتفهم في الكلام يبقي هاتفهم كلامي
لو كنت ألة حادة كنت هبقى حابة احط حد لأي حد مش عاجبني وطظ في الأسامي
لو كنت أكلة كنت هبقى بط بالفريك
عشان البط بالفريك مابيحبش شريك
لو كنت ورقة بتتمضي أنا كنت هبقى شيك
لو شفت أي فرخة أكيد ساعتها أنا هبقى ديك
لو كنت جيم مستحيل كنت ابقى ميكس واحط اكس على الولاد وهدخل أي بنت شيك
لو كنت يوم وفات كنت ابقى يوم تلات
مش عايزة أكون كلام أنا عايزة أكون سكات
لو كنت هبقى حاجة مهمة من الحاجات
هكون سمايلي فيس مكشر في جروب أمهات
لو كنت كرسي كنت هبقى كرسي الاعتراف
لو هبقى شكل هندسي هميل للانحراف
لو كنت دفتر كنت هبقى دفتر انصراف
أنا كنت هبقى حاجة جامدة بين حاجتين ضعاف
لو كنت وجبة طبعا عمري ما كنت هبقى سوشي لا
آسف مالمسوشي أو أقرب منه حتى لو نطق قصادي عمري ما اكل منه حتة
لو كنت عين مغمضة كنت ابقى بردو شايفة
Comments