شاهد.. فيديو كليب أغنية "لو كنت" لـ أكرم حسني وهيفاء وهبي - E3lam.Com
طرح الفنان أكرم حسني، فيديو كليب أغنيته الجديدة “لو كنت” التي يقدمها مع الفنانة اللبنانية هيفاء وهبي، عبر قناته الرسمية على موقع يوتيوب.\nأغنية “لو كنت” من كلمات وألحان أكرم حسني، وتوزيع توما والكليب إخراج حسام الحسيني.\n\nجاءت كلمات الأغنية كالتالي:\nلو كنت أرنب كان أكيد هيبقى الفيل صديقي\nلو كنت مجلة كنت هاكون سمير مش هبقى ميكي \nلو كنت خاتم طبعا كنت هاتألمظ عليكي \nلو كنت جبل طارق أنا كنت سألتك عن مضيقي \nلو كنت مسابقة كنت هبقى مسابقة اختيار ملكات جمال واشوف بنات جمال وهناك أنا هاشتكيكي\nلو كنت كتاب أنا كنت هبقى كتاب عن الجمال \nلو في سؤال عن الدلع انا إجابة السؤال \nلو كنت سكة هكون يمين أنا عمري ما أكون شمال \nمعادلة صعبة وحلها محتاج ألف احتمال \nلو كنت لعبة كنت هبقى عروسة باربي لابسة بمبمي أما قلبي عمره ما يلعب بيه عيال\nلو كنت يوم وفات كنت ابقى يوم تلات\nمش عايز أكون كلام أنا عايز أكون سكات\nلو كنت هبقى حاجة مهمة من الحاجات\nأنا هبقى سمايلي فيس مكشر في جروب أمهات\nلو كنت قطة حلوة كنت هبقى أكيد سيامي \nلو كنت حي اسكندراني كنت اختار ميامي\nلو كنت فلفل أحمر كنت هبقى قرن حامي\nلو كنت بتفهم في الكلام يبقي هاتفهم كلامي \nلو كنت ألة حادة كنت هبقى حابة احط حد لأي حد مش عاجبني وطظ في الأسامي\nلو كنت أكلة كنت هبقى بط بالفريك \nعشان البط بالفريك مابيحبش شريك \nلو كنت ورقة بتتمضي أنا كنت هبقى شيك\nلو شفت أي فرخة أكيد ساعتها أنا هبقى ديك \nلو كنت جيم مستحيل كنت ابقى ميكس واحط اكس على الولاد وهدخل أي بنت شيك\nلو كنت يوم وفات كنت ابقى يوم تلات\nمش عايزة أكون كلام أنا عايزة أكون سكات\nلو كنت هبقى حاجة مهمة من الحاجات\nهكون سمايلي فيس مكشر في جروب أمهات\nلو كنت كرسي كنت هبقى كرسي الاعتراف \nلو هبقى شكل هندسي هميل للانحراف \nلو كنت دفتر كنت هبقى دفتر انصراف \nأنا كنت هبقى حاجة جامدة بين حاجتين ضعاف\nلو كنت وجبة طبعا عمري ما كنت هبقى سوشي لا \nآسف مالمسوشي أو أقرب منه حتى لو نطق قصادي عمري ما اكل منه حتة\nلو كنت عين مغمضة كنت ابقى بردو شايفة\nلو كنت كلمة هبقى صادقة .. مش هبقى زايفة\nلو كنت لمبة هكهربك وعليك مش هبقى خايفة\nلو أنت أكرم حسني لا معلش أنا بردو هيفا\nيذكر أن آخر أعمال أكرم حسني، كان مسلسل “إحنا بتوع الأوزوريس” وهو مسلسل إذاعي شاركه فيه الفنانة أيام عامر وتم إذاعته في شهر رمضان الماضي عبر إذاعة “نجوم أف.إم”.\n