مفاجأة في واقعة إلقاء شابين لطفل من أعلى كوبري بالبحيرة (فيديو) | المصري اليوم

أثار مقطع فيديو انتشر على مواقع التواصل الإجتماعي لقيام شابين بإلقاء طفل من أعلي كوبري معدية مدرسة الزراعة في مدينة دمنهور في ترعة عميقة غضب رواد السوشيال ميديا، خصوصًا مع استغاثة الطفل وعدم نجدته من أحد من المارة، وسط ضحكات الشابين، وتكثف أجهزة الأمن لكشف أبعاد الواقعة وأشخاصها وأسبابها، بينما كشفت التعليقات على مقاطع الفيديو المنتشرة على وسائل التواصل الإجتماعي عن مفاجأة.

شابان يلقيان طفلًا بترعة من أعلى كوبري في البحيرة وسط الضحكات (فيديو)

رياح وأتربة والحرارة تصل لـ46 درجة.. تفاصيل حالة الطقس اليوم

مواعيد سداد فاتورة التليفون الأرضي شهر يونيو من المصرية للاتصالات

السيارة اصطدمت بالرصيف.. إصابة 12 شخصًا في البحيرة

«مدد يا سيدة» بحفل الانشاد الصوفي في أوبرا دمنهور

حالة الطقس غدًا الأحد .. رياح مثيرة للأتربة ودرجة الحرارة تصل إلى 46 بـ3 مناطق

تردد قنوات الأطفال 2021 .. بطوط وميكي وكراميش وزي ألوان وكرتون نتورك وMBC3

وعلق رواد مواقع التواصل الإجتماعي على إحدي صفحات مدينة دمنهور على موقع «فيس بوك» بعبارات مستهجنة للواقعة، وقال أحدهم: «قلة ادب وسفاله وعدم تربيه للاسف كل ده نتاج افلام البلطجه لا بقي في ادب ولااخلاق مش قادر اصدق ان دي بلدي اللي اتربيت فيها.»

وأضاف آخر «من أمن العقاب أساء الأدب، الواحد قرف من الأوضاع دى، وكأنها بقت مفروضة علينا»، وعلقت فتاة:«دي حاجه قلة أدب والله، ولازم يتحاسبوا عشان يبقوا عبره لأي حد يعمل كده حسبي الله ونعم الوكيل فيكو وجعتوا قلوبنا»، وأضافت أخرى:«التربية يا بشر ربوا أولادكم سلوكهم هيوجههم، إرحمونا من الفظاعه اللي بنشوفها.»

وقال آخر«طيش شباب وهزار غبي، بس لازم يتعلم الدرس إن الهزار ميوصلش لتهديد الحياة، والضرب والتكسير مش حل، ممكن يتشغل كام شهر في شغلانة تطوعية يتهلك فيها ويتعلم معني الالتزام بس نقول ايه مفيش حد مهتم بالشباب»

وعلق آخر: «يعني ينفع كده افرضوا يا جماعه الولد ده مات سقط تحت ومعرفش يعوم لازم الولاد دي تتجاب وتتحاسب، وأضاف آخر:«بلطجة علني في عز النهار، واستنكر آخر«دمنهور مالها ايه اللي حصل فيها ده.»

وقال آخر:«فين الناس بقي في عز النهار والناس ماشية! فين الوعي! انهم واقفين يتفرجوا؟ واللي بيصور كمان وسايبين الطفل يموت؟ ما يتصلوا بالشرطة أو ينقذوا الطفل! دول لو اتلموا عليهم حيكسروهم، حسبي الله ونعم الوكيل.»

وكشفت التعليقات على مقاطع الفيديو المنتشرة على وسائل التواصل الإجتماعي عن مفاجأة بدخول بعض الأشخاص للدفاع عن الشابين، وقال أحد الأشخاص: «ياجدعان ده ابن اخوه مش لازم كل الحوار ده، والولد كويس مافيهوش حاجة ودول مش شباب الموضوع ده كله أطفال، وبدل ماتشغلو بلكم في ياريت كل واحد يخليه في حاله، كفاية انتو مستنين جنازة تشبعو فيها لطم.»

وعلق آخر على هذا الرد:«ما تهدي انت وتخليك في حالك، وهما هيتجابو متقلقش، وهينزل ليهم فيديو كمان علشان يكونوا عبرة لغيرهم.».

وقال آخر «أحب أقول لكل من علق على هذا الفيديو إن كان ده مجرد لعب عيال، وحرام نضيع مستقبل طفل بسبب لعب عيال لأن بعد مرماه ونط وراه وقعدوا يهزروا ويضحكوا، والله الموضوع لعب عيال وحرام نضيع مستقبل هذا الطفل.»

وكان مقطع فيديو انتشر على مواقع التواصل الاجتماعي يظهر فيه شابين يلقيان بطفل في ترعة عميقة بمدينة دمنهور في محافظة البحيرة ولم يتدخل أحدًا من المارة لمنعهم.

وقامت إحدى صفحات التواصل الاجتماعي ضمن صفحات كثيرة بنشرت الفيديو تحت عنوان «كارثة دمنهور»: «شابان يقومان بإلقاء طفل في دمنهور من فوق معدية مدرسة الزراعة في المياه أمام مسجد عمرو بن العاص».